ورتالىق "جانۋارلارعا ۆاكتسينانىڭ كۇشەيتىلگەن دوزاسى سالىنىپ، ونىڭ قاۋىپسىزدىگى مەن ۋىتتى اسەرى مۇقيات تەكسەرىلگەنىن" جانە "اعزاعا اللەرگيالىق رەاكتسياسىنىڭ جوقتىعى انىقتالعانىن" حابارلادى.

ۆاكتسينا سىناعىنىڭ ەكىنشى كەزەڭىن قازاندا باستاماق جانە ەكپە 200 ەرىكتىگە سالىنادى دەپ جوسپارلانعان.

قازىر الەمدە كوروناۆيرۋستىڭ جاڭا تۇرىنە قارسى جۇزدەن استام ۆاكتسينا سىناقتاپ ءوتىپ جاتىر. بۇعان دەيىن قازاقستاندا رەسەي بيلىگى تىركەگەن، بىراق ددسۇ كۇمان كەلتىرگەن "سپۋتنيك" ۆاكتسناسى كوپ تالقىلاندى. ددسۇ رەسەيلىك ۆاكتسينانىڭ بارلىق سىناق كەزەڭىنەن وتكەنىنە سەنبەيدى. ماسكەۋ بۇل كۇدىكتى جوققا شىعارىپ وتىر.

12 تامىزدا قازاقستان پرەزيدەنتى قاسىم-جومارت توقاەۆ كۇزدە رەسەيگە ۆاكتسينانى ساتىپ الۋ بويىنشا كەلىسسوز جۇرگىزۋگە دەلەگاتسيا جىبەرەتىنىن ايتقان. بۇل قوعامدا ۇلكەن تالقى تۋدىرىپ، كەيىن قازاقستان دەنساۋلىق ساقتاۋ مينيسترلىگى بارلىق سىناق كەزەڭىنەن وتپەگەن ۆاكتسينالاردى المايتىنىن مالىمدەگەن. ەلدىڭ باس سانيتارلىق دارىگەرى ايجان ەسماعامبەتوۆا قازاقستان نارىققا العاش تۇسكەن ۆاكتسينانى ساتىپ الاتىنىن ايتقان.

تامىزدىڭ باسىندا مينيسترلىك ۆاكتسينا شىقسا، حالىقتىڭ 11,5 پايىزىنا - سوزىلمالى دەرتى بار ادامدارعا، ىندەتپەن كۇرەسەتىن دارىگەرلەرگە، ۆيرۋس جۇقتىرسا قاۋىپ توبىندا بولاتىندارعا - تەگىن ەكپە سالاتىنىن مالىمدەگەن. ۆەدومستۆو "حالىقتىڭ قالعان بولىگى ۆاكتسينانى ءوز قارجىسىنا سالدىرۋ كەرەك" دەدى. ياعني، ەكپەنىڭ تولەمى مەديتسينالىق ساقتاندىرۋ قورىنان (مسق) تولەنبەيدى.

مسق - حالىقتى تەگىن مەديتسينالىق كومەكپەن قامتاماسىز ەتۋ ءۇشىن قۇرىلعان قور. بيىلدان باستاپ رەسمي جۇمىس ىستەيتىندەر مەن ءوزىن-ءوزى جۇمىسپەن قامتىعاندار اي سايىن جالاقىسىنىڭ ءبىر بولىگىن وسى قورعا اۋدارىپ كەلەدى.

Abai.kz