2011 جىلعى 7 جەلتوقساندا استاناداعى «اق جول» دەموكراتيالىق پارتياسىنىڭ ورتالىق وفيسىندە پارتيانىڭ ورتالىق كەڭەسىنىڭ وتىرسى وتكەن بولاتىن. جيىن قازاقستان تاۋەلسىزدىگىنىڭ 20-جىلدىق مەرەيتويىنا ارنالدى. كەڭەستى «اق جول» پارتياسىنىڭ توراعاسى ا.پەرۋاشەۆ اشىپ، جۇرگىزدى.

« ءبىز بۇگىن قازاقستان تاۋەلسىزدىگىنىڭ 20-جىلدىعى قارساڭىندا باس قوسىپ وتىرمىز. بۇل - ەلىمىز ءۇشىن ەرەكشە تاريحي ماڭىزى بار وقيعا. ءبىز وسىدان جيىرما جىل بۇرىن اتا-بابامىز اڭساعان، امانات ەتكەن ەگەمەندىككە قول جەتكىزدىك. جيىرما جىل از عانا مەرزىم بولعانىمەن، ءبىز وسى كەزەڭدە اۋىر دا سىندارلى جولدان وتتىك. بۇل ۋاقىت، شىنىندا دا، قازاقستان رەسپۋبليكاسىنىڭ پرەزيدەنتى، ەلباسى نۇرسۇلتان ءابىشۇلى نازارباەۆ ايتقانداي، «عاسىرعا بەرگىسىز جىلدار بولدى».

بارلىق قيىندىقتارعا قاراماستان وسى كەزەڭدە قازاقستان اياعىنان نىق تۇردى. بۇرىن يمپەريانىڭ تۇكپىرىندەگى بەلگىسىز وتار ەل بولساق، بۇگىندە بۇكىل الەم ءبىزدى دەربەس، وركەنيەتتى، دامىعان مەملەكەت رەتىندە تانيدى.  قازاقستان از ۋاقىتتىڭ ىشىندە نارىقتىق ەكونوميكالى ەلگە اينالىپ، قوعامدىق، الەۋمەتتىك تۇرعىدا تۇراقتى دامۋ جولىنا ءتۇستى. حالىقتىڭ جاي-كۇيى الدەقايدا جاقساردى.

2011 جىلعى 7 جەلتوقساندا استاناداعى «اق جول» دەموكراتيالىق پارتياسىنىڭ ورتالىق وفيسىندە پارتيانىڭ ورتالىق كەڭەسىنىڭ وتىرسى وتكەن بولاتىن. جيىن قازاقستان تاۋەلسىزدىگىنىڭ 20-جىلدىق مەرەيتويىنا ارنالدى. كەڭەستى «اق جول» پارتياسىنىڭ توراعاسى ا.پەرۋاشەۆ اشىپ، جۇرگىزدى.

« ءبىز بۇگىن قازاقستان تاۋەلسىزدىگىنىڭ 20-جىلدىعى قارساڭىندا باس قوسىپ وتىرمىز. بۇل - ەلىمىز ءۇشىن ەرەكشە تاريحي ماڭىزى بار وقيعا. ءبىز وسىدان جيىرما جىل بۇرىن اتا-بابامىز اڭساعان، امانات ەتكەن ەگەمەندىككە قول جەتكىزدىك. جيىرما جىل از عانا مەرزىم بولعانىمەن، ءبىز وسى كەزەڭدە اۋىر دا سىندارلى جولدان وتتىك. بۇل ۋاقىت، شىنىندا دا، قازاقستان رەسپۋبليكاسىنىڭ پرەزيدەنتى، ەلباسى نۇرسۇلتان ءابىشۇلى نازارباەۆ ايتقانداي، «عاسىرعا بەرگىسىز جىلدار بولدى».

بارلىق قيىندىقتارعا قاراماستان وسى كەزەڭدە قازاقستان اياعىنان نىق تۇردى. بۇرىن يمپەريانىڭ تۇكپىرىندەگى بەلگىسىز وتار ەل بولساق، بۇگىندە بۇكىل الەم ءبىزدى دەربەس، وركەنيەتتى، دامىعان مەملەكەت رەتىندە تانيدى.  قازاقستان از ۋاقىتتىڭ ىشىندە نارىقتىق ەكونوميكالى ەلگە اينالىپ، قوعامدىق، الەۋمەتتىك تۇرعىدا تۇراقتى دامۋ جولىنا ءتۇستى. حالىقتىڭ جاي-كۇيى الدەقايدا جاقساردى.

ارينە، بارلىق پروبلەمالار شەشىمىن تاپتى دەپ ايتۋعا بولماس. سونىڭ ىشىندە، اۋىلدىڭ بولاشاعى، الەۋمەتتىك جاعدايى تومەن وتانداستاردىڭ ماسەلەسى جانە ت.ب. بار. الايدا، بۇل دۇنيەدە بارلىق پروبلەمانى 100 پايىز شەشىپ بەرگەن مەملەكەت جوق ەكەنىن دە مويىنداۋىمىز قاجەت»، دەدى، ا.پەرۋاشەۆ.

ول قازاقستاننىڭ جيىرما جىلداعى جەتكەن جەتىستىكتەرىنە توقتالا كەلىپ: «ەڭ باستىسى، تاۋەلسىزدىك بىزگە ءوز ماسەلەلەرمىزدى ءوز تاڭداۋىمىزبەن شەشۋگە مۇمكىندىك بەرىپ وتىر. ەل تاعدىرى - ءوزىمىزدىڭ قولىمىزدا. تاۋەلسىزدىكتىڭ ەڭ باستى جەتىستىگى، مەنىڭشە، وسى. سوندىقتان وسى جىلدارى اتقارىلعان شارۋاعا ءادىل باعا بەرۋىمىز قاجەت»، دەدى.

ا.پەرۋاشەۆ مەملەكەتتىڭ جيىرما جىلداعى تابىستارىن جوعارى باعالاي كەلىپ، ەلدەگى وزەكتى پروبلەمالاردىڭ شەشىلۋىنە بيلىك تە، قوعام مەن پارتيالار دا جاۋاپتى ەكەنىن اتاپ ءوتتى.

ا.پەرۋاشەۆ الدا بولاتىن ءماجىلىس سايلاۋى مەملەكەتتىڭ وسى ۋاقىتقا دەيىن جۇرگىزگەن رەفورمالارىنىڭ زاڭدى جالعاسى جانە جاڭا وزگەرىستەردىڭ باسى بولۋى ءتيىس دەپ سانايدى.

سونداي-اق، پارتيا توراعاسى بارشا «اقجولدىقتاردى» حالىقتىڭ بولاشاعى جولىندا ايانباي جۇمىس ىستەۋگە شاقىردى.

جيىن سوڭىندا، قر پرەزيدەنتى ن.نازارباەۆتىڭ جارلىعىمەن، «اق جول» پارتياسىنىڭ ءبىر توپ كورنەكتى وكىلدەرىنە «قازاقستان رەسپۋبليكاسىنىڭ تاۋەلسىزدىگىنە 20 جىل» مەملەكەتتىك مەدالدارى سالتاناتتى تۇردە تاپسىرىلدى.