استانا. 7 جەلتوقسان. قازتاگ - قورعانىس مينيسترلىگى سايتىندا ۇوس-تا قازا بولعان جانە حابار-وشارسىز كەتكەن جاۋىنگەرلەر تۋرالى مالىمەتتەر بازاسىن اشتى، دەپ ۆەدومستۆو ءباسپاسوز قىزمەتىنەن سارسەنبى كۇنى حابارلادى.

«ەل تاۋەلسىزدىگىنىڭ 20 جىلدىعى قارساڭىندا قازاقستان رەسپۋبليكاسى قورعانىس مينيسترىگىنە رەسەي فەدەراتسياسى قورعانىس ۆەدومستۆوسى ۇلى وتان سوعىسى كەزىندە قازاقستاننىڭ تۇكپىر-تۇكپىرىنەن سوعىسقا اتتانىپ، قايتىس بولعاندار مەن حابار-وشارسىز كەتكەندەردىڭ دەرەكتەرىن تابىس ەتتى»، - دەلىنگەن ءباسپاسوز قىزمەتىنىڭ حابارىندا.

استانا. 7 جەلتوقسان. قازتاگ - قورعانىس مينيسترلىگى سايتىندا ۇوس-تا قازا بولعان جانە حابار-وشارسىز كەتكەن جاۋىنگەرلەر تۋرالى مالىمەتتەر بازاسىن اشتى، دەپ ۆەدومستۆو ءباسپاسوز قىزمەتىنەن سارسەنبى كۇنى حابارلادى.

«ەل تاۋەلسىزدىگىنىڭ 20 جىلدىعى قارساڭىندا قازاقستان رەسپۋبليكاسى قورعانىس مينيسترىگىنە رەسەي فەدەراتسياسى قورعانىس ۆەدومستۆوسى ۇلى وتان سوعىسى كەزىندە قازاقستاننىڭ تۇكپىر-تۇكپىرىنەن سوعىسقا اتتانىپ، قايتىس بولعاندار مەن حابار-وشارسىز كەتكەندەردىڭ دەرەكتەرىن تابىس ەتتى»، - دەلىنگەن ءباسپاسوز قىزمەتىنىڭ حابارىندا.

بۇل دەگەنىڭىز، ءبىزدىڭ وتانىمىزدى قورعاۋدا قايتىس بولعاندار مەن حابار-وشارسىز كەتكەندەر ءۇشىن لايىقتى ەسكەرتكىش بولماق.
ەلەكتروندى تاسىمال قۇرالدارىندا ساقتالعان دەرەكتەر رەسەي فەدەراتسياسى قورعانىس مينيسترلىگىنىڭ ورتالىق مۇراجايىنداعى جانە رف قك اسكەري-مەموريالدىق ورتالىعىنىڭ رەسمي مۇراعات قۇجاتتارىنان جيناقتالدى. مالىمەتتەر اسكەري بولىمدەردىڭ ورنى تولماس شىعىندارى تۋرالى حابارلامالارى مەن باسقا دا مۇراعاتتىق قۇجاتتارى نەگىزىندە، قارا قاعازدار مەن گوسپيتال جانە مەد سانبات قۇجاتتارىنان، كەڭەس اسكەري تۇتقىندارىنىڭ جەكە كارتوچكالارىنان، سونداي-اق جەرلەنگەن كەڭەس  وفيتسەرلەرى مەن ساربازدارىنىڭ تولقۇجاتتارىنان الىندى.
دەرەكتەردە قايتىس بولعان ادامنىڭ اسكەري شەنى، قاي بولىمدە قىزمەت اتقارعاندىعىن، قايتىس بولعان كۇنى مەن سەبەبىن (مەرت بولدى، جاراقاتتان قايتتى، حابار-وشارسىز كەتتى) جانە قاي جەرگە جەرلەنگەندىگىن بىلۋگە بولادى.
اقپاراتتىق انىقتامادا 587000-نان استام قازاقستاندىقتاردىڭ مالىمەتى بار. انىقتاما  قازاقستان رەسپۋبليكاسى قورعانىس مينيسترلىگىنىڭ (mod.gov.kz) رەسمي سايتىنا ورنالاستىرىلعان. مايدانگەر-جاۋىنگەرلەردىڭ ەلەكتروندى دەرەكتەرىمەن تانىسۋعا مۇمكىندىك مول. ەلەكتروندى مەموريال - ءبىزدىڭ باتىر اتالارىمىز بەن اكەلەرىمىزدىڭ ۇرپاقتارىنا، بارلىعىمىزعا قاجەت، دەپ كورسەتىلگەن قر قم سايتىندا جاريالانعان حاباردا.