وسىعان دەيىن دەنساۋلىق ساقتاۋ مينيسترلىگى ەلىمىزدە كارانتيندىك شەكتەۋلەر ءبىرشاما جۇمسارتىلاتىنى تۋرالى حابارلاعان ەدى. بۇگىن وتكەن ۇكىمەت وتىرىسىندا مينيستر الەكسەي تسوي 3 تامىزدان باستاپ جۇمىسىن قايتا باستايتىن سالالار تۋرالى ايتىپتى.

«سانيتارلىق جانە دەزينفەكتسيالىق رەجيمدى ساقتاپ، بەتپەردە تاعىپ، الەۋمەتتىك قاشىقتىقتى ۇستانۋ كەرەك. ەگەر 2020 جىلدىڭ 3 تامىزىندا ەلدە ينفەكتسيانىڭ رەپرودۋكتيۆتىك دەڭگەيى ازايسا، ءبىر اپتا ىشىندە اۋرۋحانالارداعى توسەك-ورىندار بوساپ، ناۋقاستار 70%-دان تومەن بولسا، وسى اۋرۋدىڭ ءولىم-ءجىتىم ديناميكاسى تومەندەپ، جاعداي تۇراقتالسا، وندا بىرقاتار ينفراقۇرىلىم نىساندارىنىڭ جۇمىسىنا رۇقسات ەتىلەدى»، - دەپتى مينيستر.

سونىمەن، 3 تامىزدان باستاپ كىمدەردىڭ جۇمىسىنا رۇقسات؟  

– ساۋدا ۇيلەرى، ساۋدا-ويىن-ساۋىق ورتالىقتارى، جابىق ازىق-تۇلىك، ازىق-تۇلىككە جاتپايتىن بازارلار،

– بالالارعا ارنالعان كوررەكتسيا كابينەتتەرى، ءبىلىم بەرۋ ورتالىقتارى، بالالاردى دامىتۋ ورتالىقتارى، 5 ادامنان اسپايتىن ۇيىرمە توپتارىنا،

– مەكتەپكە دەيىنگى مەكەمەلەردەگى كەزەكشى توپتارعا;

– سۇلۋلىق سالوندارى، شاشتارازدار، كوسمەتيكالىق قىزمەتتەر، مانيكيۋر، پەديكيۋر قىزمەتتەرىن كورسەتەتىن ورتالىقتار مەن سۇلۋلىق سالوندارىنىڭ قىزمەتىنە،

– الەۋمەتتىك قاشىقتىقتى ساقتاي وتىرىپ، تازا اۋادا جەكە جانە توپ بولىپ سپورت جاتتىعۋلارىمەن اينالىسۋعا;

– 30 ادامنان اسپايتىن ۇتتتىق قۇراما كوماندالارعا ارنالعان سپورتتىق جاتتىعۋلارعا;

– 3 ادامنان اسا توپتاسپاي، ادامدارعا كوشەدە، ساياباقتاردا قىدىرۋ، الاڭدارعا جانە جاعالاۋعا بارۋعا رۇقسات.

– مەملەكەتتىك قىزمەتكەرلەر مەن كەڭسە قىزمەتكەرلەرىنىڭ كەمى 80%-ى قاشىقتان جۇمىس جۇرگىزەدى.

بەتپەردە تاعۋ، سانيتارلىق جانە دەزينفەكتسيالىق رەجيمدى ساقتاي وتىرىپ، كوندۋكتورى بار قوعامدىق كولىكتەرگە جولاۋشىلار سانىن 50%-دان اسىرماۋ مىندەتتى.

قانداي نىسانداردىڭ جۇمىسىنا رۇقسات جوق؟ 

– جاپپاي ادام جينالاتىن شارالارعا، كينوتەاترلار، فۋدكورتتار، كوڭىل كوتەرەتىن ۇيىمدار، بانكەت زالدارى، رەستورىندار، بارلار، تۇنگى جانە ويىن كلۋبتارىنىڭ جۇمىسىنا،

– مادەني شارالار، كونفەرەنتسيا وتكىزۋ، فورۋم، كورمە وتكىزۋگە،

– فيتنەس ورتالىقتار، باسسەيندەر، اكۆاپاركتەر، ساياجايلاردىڭ جۇمىسىنا،

– ءدىني نىسانداردىڭ جۇمىسىنا،

– قالا ماڭىنداعى جولاۋشىلار پوەزدارىنىڭ (جۇمىس پوەزدارىنان باسقا ەلەكتر پويىزدارىنىڭ) قوزعالىسىنا ءالى دە تىيىم سالىنادى.

Abai.kz