الەۋمەتتىك مەديتسينالىق ساقتاندىرۋ قورىنىڭ باسقارما توراعاسى بولات توكەجانوۆ قور اكتيۆتەرى 2020 جىلدىڭ 1 قاڭتارىنا 251 ملرد. تەڭگەنى قۇراعانىن ايتتتى. 

«قوردىڭ اكتيۆتەرى 2020 جىلدىڭ 1 قاڭتارىنداعى جاعداي بويىنشا 251 ملرد.تەڭگەنى قۇرادى. ءبىرىنشى جارتىجىلدىقتاعى كىرىس 260 ملرد.تەڭگە، ونىڭ ىشىندە مەملەكەت سالىمى - 147 ملرد.تگ»,- دەدى توكەجانوۆ.

ءمامس باسشىسى 76 ميلليارد تەڭگە جۇمىس بەرۋشىلەردەن، 37 ميلليارد تەڭگە ءوزىن-ءوزى جۇمىسپەن قامتىعان ادامداردان تۇسكەنىن دە ايتتى.

توكەجانوۆتىڭ سوزىنشە، مەديتسينالىق ساقتاندىرۋ قورى اكتيۆتەرىنىڭ بالانسى 2020 جىلدىڭ 1 شىلدەسىندە 361 ميلليارد تەڭگەدەن اسادى.

بۇعان دەيىن اتالعان قور كوروناۆيرۋستىڭ اۋىر تۇرىنە شالدىققان ناۋقاسقا 1,5 ميلليون تەڭگە بولىنەتىنىن حابارلانعان. ال، وتە اۋىر دارەجەلى سىرقاتتىڭ ەمدەلۋى ءۇشىن 1,7 ميلليون تەڭگە تولەيدى.

Abai.kz