سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ "سق-فارماتسيا" كومپانياسىنىڭ جاڭا باسشىلىعىن بارلىق سىبايلاس جەمقورلىق تاۋەكەلىن جويۋعا شاقىردى.

«الەۋمەتتىك جەلىلەردى مۇقيات باقىلايتىن كەز-كەلگەن ادام كوروناۆيرۋسكە بايلانىستى جاعدايدىڭ كۇردەلەنۋىنىڭ باستى سەبەپتەرىنىڭ ءبىرى - سىبايلاس جەمقورلىق، بيۋروكراتيا مەن جاۋاپسىزدىق دەپ سانايدى جانە مەنىمەن كەلىسەدى. بۇل ءبىر جاعىنان وتە ورىندى، اسىرەسە، "سق-فارماتسيانىڭ" لاۋازىمدى تۇلعالارىنا، مەديتسينالىق ساقتاندىرۋ قورىنا، سونداي-اق جەرگىلىكتى اتقارۋشى ورگانداردىڭ بىرقاتار مەديتسينالىق مەكەمەلەرىنە قاتىستى قىلمىستىق ىستەر كونتەكسىندە ءادىل باعاعا قاتىستى», - دەدى شپەكباەۆ التى ايدىڭ قورىتىندىسى بويىنشا اگەنتتىك القاسىنىڭ وتىرىسىندا.

اليك شپەكباەۆتىڭ ايتۋىنشا، "سق-فارماتسيا" جەمقورلىق تاۋەكەلدەرىنا قاتىستى تالداۋ جۇمىستارىن جۇرگىزۋى قاجەت.

«قازىرگى ۋاقىتتا "سق-فارماتسيا" قىزمەتىندەگى سىبايلاس جەمقورلىق تاۋەكەلدەرىنە جۇرگىزىلگەن تالداۋدى سىرتقى ساراپشىلاردى كەڭىنەن تارتا وتىرىپ، جەدەل جۇرگىزۋى قاجەت. ءبىزدىڭ تالداۋىمىزدىڭ ساپاسى وسى ۇيىمنىڭ بولاشاقتا قانشالىقتى ءتيىمدى جۇمىس ىستەيتىنىنە جانە پاراساتتى بولۋىنا بايلانىستى. بۇل ءبىزدى عانا ەمەس بىرىڭعاي ءديستريبيۋتوردىڭ جاڭا باسشىلىعىن قىزىقتىرادى. سىبايلاس جەمقورلىق تاۋەكەلدەرىن جويۋ مەن اشىقتىقتى قامتاماسىز ەتۋ بويىنشا ("سق-فارماتسيا" - اۆتور) بارلىق ۇسىنىستى ورىندايدى دەپ ۇمىتتەنەمىن», - دەپ تولىقتىردى سىبايلاس جەمقورلىققا قارسى قىزمەتتىڭ باسشىسى.

Abai.kz