بەيسەنبى, 6 تامىز 2020
COVID-19 قازاقستاندا. جۇقتىرعاندار — 95942. جازىلعاندار — 68871. قايتىس بولعاندار — 1058
3199 4 پىكىر 8 شىلدە, 2020 ساعات 11:26

توقاەۆ مىندەتتى ەكپە سالۋعا قاتىستى زاڭ جوباسىنا قول قويدى

قازاقستان پرەزيدەنتى قاسىم-جومارت توقاەۆ حالىق دەنساۋلىعى جونىندەگى جاڭا كودەكسە جانە دەنساۋلىق سالاسىنا قاتىستى بىرنەشە زاڭعا وزگەرىستەر ەنگىزۋ جونىندەگى قۇجاتقا قول قويدى.

جاڭا كودەكستە مىنا ماسەلەلەر جازىلعان:

- قازاقستان ازاماتتارى ءۇشىن مىندەتتى جانە ەرىكتى ۆاكتسيناتسيالاۋ: زاڭ ەكپە سالىنباعان بالالاردىڭ بالاباقشاعا بارۋىنا تىيىم سالادى.

- قايتىس بولعان ادامنىڭ اعزاسىن جانە جاسۋشالارىن الۋ ءتارتىبى جانە شەتەل ازاماتتارىنا اۋىستىرۋ ءۇشىن قازاقستاننان شىعارۋعا تىيىم سالۋ،

- ەلدە ەلەكتروندى تەمەكى پايدالانۋعا شەكتەۋ قويۋ،

- 21 جاسقا دەيىنگى جاستارعا تەمەكى ساتقانداردى اكىمشىلىك جازاعا تارتۋ.

كودەكستىڭ ۆاكتسيناتسيالاۋ جونىندەگى باپتارى قازاقستان قوعامىندا داۋ تۋعىزدى. قارسى بولعاندار ەكپەنىڭ ساپاسىنا سەنبەيتىنىن ءبىلدىردى. قۇجات قابىلدانباسىن دەپ تالاپ ەتىلگەن ونلاين-پەتيتسياعا 166 مىڭ ادام قول قويعان. بىراق دەنساۋلىق ساقتاۋ مينيسترلىگى بالالارعا ەكپە سالماۋ ولاردىڭ دەنساۋلىعىن قورعاۋ قۇقىعىن بۇزۋ بولىپ ەسەپتەلەتىنىن العا تارتتى. قازاقستان بۇۇ-نىڭ بالالار قۇقىعىن قورعاۋ جونىندەگى كونۆەنتسياعا قول قويعانىن جەتكىزدى.

توقاەۆ سونىمەن بىرگە اكىمشىلىك جاۋاپكەرشىلىككە تارتۋ جونىندەگى كودەكسكە قول قويدى. توتەنشە جاعداي كەزىندە ءتارتىپ بۇزعان ادامدارعا سالىناتىن ايىپپۇل كولەمى 10 ەسەگە وسەدى.

بۇدان بىلاي تج ءتارتىبىن بۇزعاندار 277 مىڭ 800 تەڭگە ($682) ايىپپۇل سالادى نەمەسە 15 تاۋلىككە قامالادى. ەگەر ءتارتىپتى قايتا بۇزسا، 555 مىڭ 600 تەڭگە ($1364) كولەمىندە ايىپپۇل تولەپ، 30 تاۋلىككە قاماۋعا الىنادى.

Abai.kz

4 پىكىر