Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
3319 4 pikir 8 Şilde, 2020 sağat 11:26

Toqaev mindetti ekpe saluğa qatıstı zañ jobasına qol qoydı

Qazaqstan prezidenti Qasım-Jomart Toqaev Halıq densaulığı jönindegi jaña kodekse jäne densaulıq salasına qatıstı birneşe zañğa özgerister engizu jönindegi qwjatqa qol qoydı.

Jaña kodekste mına mäseleler jazılğan:

- Qazaqstan azamattarı üşin mindetti jäne erikti vakcinaciyalau: zañ ekpe salınbağan balalardıñ balabaqşağa baruına tıyım saladı.

- qaytıs bolğan adamnıñ ağzasın jäne jasuşaların alu tärtibi jäne şetel azamattarına auıstıru üşin Qazaqstannan şığaruğa tıyım salu,

- elde elektrondı temeki paydalanuğa şekteu qoyu,

- 21 jasqa deyingi jastarğa temeki satqandardı äkimşilik jazağa tartu.

Kodekstiñ vakcinaciyalau jönindegi baptarı Qazaqstan qoğamında dau tuğızdı. Qarsı bolğandar ekpeniñ sapasına senbeytinin bildirdi. Qwjat qabıldanbasın dep talap etilgen onlayn-peticiyağa 166 mıñ adam qol qoyğan. Biraq densaulıq saqtau ministrligi balalarğa ekpe salmau olardıñ densaulığın qorğau qwqığın bwzu bolıp esepteletinin alğa tarttı. Qazaqstan BWW-nıñ balalar qwqığın qorğau jönindegi Konvenciyağa qol qoyğanın jetkizdi.

Toqaev sonımen birge äkimşilik jauapkerşilikke tartu jönindegi Kodekske qol qoydı. Tötenşe jağday kezinde tärtip bwzğan adamdarğa salınatın ayıppwl kölemi 10 esege ösedi.

Bwdan bılay TJ tärtibin bwzğandar 277 mıñ 800 teñge ($682) ayıppwl saladı nemese 15 täulikke qamaladı. Eger tärtipti qayta bwzsa, 555 mıñ 600 teñge ($1364) köleminde ayıppwl tölep, 30 täulikke qamauğa alınadı.

Abai.kz

4 pikir