سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
46 - ءسوز 1387 2 پىكىر 30 ماۋسىم, 2020 ساعات 15:15

كوروناۆيرۋستى بولدىرماۋدىڭ جالعىز جولى - وقشاۋلانۋ

الەمدە پاندەمياعا شالدىققاندار سانى 10 ميلليوننان استى. جارتى ميلليون ادام ونىڭ كەسىرىنەن قايتىس بولدى. قازاقستاندا بۇل كورسەتكىش 22 مىڭ دا 189. بۇل تەك رەسمي دەرەكتەر عانا. ءىس جۇزىندە جاعداي الدەقايدا مۇشكىل بولۋى دا ىقتيمال.

ءوز باسىم اتالعان ناۋبەتتى XXI عاسىردا ادامزاتقا قارسى جاريالانباعان سوعىس رەتىندە قابىلدايمىن. ەڭ وكىنىشتىسى - بۇل سوعىستا ماقتاۋلى دەگەن وزىق تا الەۋەتى زور ەلدەردىڭ ءوزى جەڭىلىسكە ۇشىراپ وتىر. ولاي بولسا قازىر قايمىعاتىن ءيا رەيتينگتى ويلايتىن كەز ەمەس. قانشاما اششى بولسا دا ەلگە شىندىقتى بۇكپەسىز جەتكىزۋدەن باستاۋ كەرەك. گەرمانيامەن سوعىس الدىندا ۇلىبريتانيانىڭ پرەمەر-ءمينيسترى ۋينستون چەرچيلدىڭ حالقىنا ارناپ ايتقان ءسوزى ەسكە تۇسەدى: "الداعى ۋاقىتتا مەن سىزدەرگە تەك قان، تەر جانە كوز جاس ۇسىنا الامىن". ساياساتكەردىڭ وسى ءسوزى ەلگە وتە اۋىر تيسە دە ونىڭ بىرلەسىپ كيىندىققا مويىماي اقىر اياعىندا جەڭىسكە جەتۋىنە مۇرىندىق بولدى.

كوروناۆيرۋسقا ورالساق ول كۇشىنە ەنىپ قانا قويماي مۋتاتسيالانىپ كەلەدى. كۇنى كەشە قاتەرلى دەرت تەك قارت ادامداردىڭ ءومىرىن جالماسا، ەندى بۇگىن جاستاردى دا سۇلاتۋدا. كەشە عانا پاندەميا تەك وكپەنى شابۋىلداسا، ال بۇگىن ادام اعزاسىنىڭ باسقا مۇشەلەرىن نىساناعا العان. سونداعىسى جامان اۋرۋعا قارسى ۆاكتسينا ءالى ويلاپ تابىلعان جوق. ولاي بولسا كوروناۆيرۋستى بولدىرماۋدىڭ جالعىز جولى - وقشاۋلانۋ. ءبىرىنشى كەزەكتە ءسوز بولىپ وتىرعانى - الەۋمەتتىك ارا قاشىقتىق ساقتاۋعا كەلمەيتىن توي عانا ەمەس، ۇجىمدىق جۇمىس، دەمالىس قۇرۋ، بىرلەسكەن ءدىني ءمىناجات، قوعامدىق كولىكتە ءجۇرۋ، ميتينگ سەكىلدى شارالاردى قويا تۇرۋ.

ارينە بۇل ۇلكەن قارجىلىق شىعىنعا، ەكونوميكا مەن بيزنەسكە وراسان زور زارداپقا اكەلەدى. بىراق باستى كۇندىلىق - ادام ءومىرى مەن دەنساۋلىعى. ال وسىنداي قيىن-قىستاۋ زاماندا مۇقتاج جاندارعا كومەك قولىن ۇكىمەتپەن قاتار كەز-كەلگەن اۋقاتتى، جاعدايى بار ازاماتتار سوزۋعا مىندەتتى. باسقا امال قالمادى.

راسۋل جۇمالىنىڭ الەۋمەتتىك جەلىدەگى جازباسى

Abai.kz

2 پىكىر