Seysenbi, 11 Tamız 2020
COVID-19 QAZAQSTANDA. Jwqtırğandar — 100164. Jazılğandar — 73702. Qaytıs bolğandar — 1269
46 - söz 1374 2 pikir 30 Mausım, 2020 sağat 15:15

Koronavirustı boldırmaudıñ jalğız jolı - oqşaulanu

Älemde pandemiyağa şaldıqqandar sanı 10 millionnan astı. Jartı million adam onıñ kesirinen qaytıs boldı. Qazaqstanda bwl körsetkiş 22 mıñ da 189. Bwl tek resmi derekter ğana. İs jüzinde jağday äldeqayda müşkil boluı da ıqtimal.

Öz basım atalğan näubetti XXI ğasırda Adamzatqa qarsı jariyalanbağan soğıs retinde qabıldaymın. Eñ ökiniştisi - bwl soğısta maqtaulı degen ozıq ta äleueti zor elderdiñ özi jeñiliske wşırap otır. Olay bolsa qazir qaymığatın iä reytingti oylaytın kez emes. Qanşama aşı bolsa da elge şındıqtı bükpesiz jetkizuden bastau kerek. Germaniyamen soğıs aldında Wlıbritaniyanıñ prem'er-ministri Uinston Çerçildiñ halqına arnap aytqan sözi eske tüsedi: "Aldağı uaqıtta men sizderge tek qan, ter jäne köz jas wsına alamın". Sayasatkerdiñ osı sözi elge öte auır tise de onıñ birlesip kiındıqqa moyımay aqır ayağında jeñiske jetuine mwrındıq boldı.

Koronavirusqa oralsaq ol küşine enip qana qoymay mutaciyalanıp keledi. Küni keşe qaterli dert tek qart adamdardıñ ömirin jalmasa, endi bügin jastardı da swlatuda. Keşe ğana pandemiya tek ökpeni şabuıldasa, al bügin adam ağzasınıñ basqa müşelerin nısanağa alğan. Sondağısı jaman auruğa qarsı vakcina äli oylap tabılğan joq. Olay bolsa Koronavirustı boldırmaudıñ jalğız jolı - oqşaulanu. Birinşi kezekte söz bolıp otırğanı - äleumettik ara qaşıqtıq saqtauğa kelmeytin toy ğana emes, wjımdıq jwmıs, demalıs qwru, birlesken dini minäjat, qoğamdıq kölikte jüru, miting sekildi şaralardı qoya twru.

Ärine bwl ülken qarjılıq şığınğa, ekonomika men bizneske orasan zor zardapqa äkeledi. Biraq bastı kwndılıq - adam ömiri men densaulığı. Al osınday qiın-qıstau zamanda mwqtaj jandarğa kömek qolın ükimetpen qatar kez-kelgen auqattı, jağdayı bar azamattar sozuğa mindetti. Basqa amal qalmadı.

Rasul Jwmalınıñ äleumettik jelidegi jazbası

Abai.kz

2 pikir