جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
2052 6 پىكىر 6 ماۋسىم, 2020 ساعات 12:52

لۋكاشەنكو ءاندىجاندى ەسكە سالىپ، ال راحموننىڭ پۋلەمەتپەن دۋشانبەگە كىرگەنىن ايتتى

4 ماۋسىمدا بەلارۋس پرەزيدەنتى الەكساندر لۋكاشەنكو ۇكىمەت وتىرىسى كەزىندە "بەلارۋستىڭ ەڭ ۇلكەن جەتكەن جەتىستىگى - بەيبىتشىلىك پەن تۇراقتىلىق، بىراق كەيبىرەۋلەر مۇنى دا ۇمىتىپ كەتىپ جاتادى" دەپ مالىمدەدى. بۇل جايىندا بەلارۋس پرەزيدەنتى اكىمشىلىگىنىڭ ءباسپاسوز قىزمەتى حابارلادى.

لۋكاشەنكو بەلارۋس - پوستسوۆەتتىك ەلدەردىڭ ىشىندە قاسىرەتتى كورمەگەن جالعىز مەملەكەت دەگەن.

«ءبىزدىڭ كەيبىر ازاماتتار جارتى تەرريتورياسىنان ايىرىلىپ، سوعىس ءجۇرىپ جاتقان ۋكراينا وتە الىس ەل دەپ ويلايدى. ەكىگە بولىنگەن مولدوۆانى دا بىزدەن شالعايدا دەپ ويلايدى. گورباچەۆ كەزىندە تاۋەلسىزدىكتى تالاپ ەتكەن ءۇشىن ليتۆادا دا سوعىس ءجۇردى. كاۆكازدا جەر ءۇشىن ارمياندار مەن ازەربايجاندىقتاردىڭ ءالى سوعىسىپ جاتقانىن ۇمىتىپ قالدىق. گرۋزيا جەرىنىڭ ۇشتەن ءبىر بولىگىنەن، ءبىرىنشى ابحازيادان، سوسىن وڭتۇستىك وسەتيادان ايىرىلدى. مەنىڭ دوسىم راحموننىڭ ءتارتىپ جۇرگىزىپ، ساقالدىلارمەن كۇرەسۋ ءۇشىن تاجىكستان استاناسى دۋشانبەدە پۋلەمەتپەن جۇرگەنىن ەشكىم بىلمەيدى. وزبەكستاننىڭ بۇرىنعى پرەزيدەنتى يسلام كاريموۆ ءاندىجاندا مىڭداعان ادامدى ءولتىرىپ، حالىقتى باستى. ءبارى ونى سىنادى، بىراق ولگەن كەزدە، ءبارى جىلادى. ءبىز بۇنىڭ ءبىرىن دە باستان وتكەرمەدىك. كەيبىرى مۇنى تۇسىنگىسى كەلمەيدى", - دەدى الەكساندر لۋكاشەنكو.

كەزەكتى پرەزيدەنت سايلاۋىنا ەكى اي قالعاندا الەكساندر لۋكاشەنكو ۇكىمەتتى وستاۆكاعا جىبەردى.

بەلارۋستە پرەزيدەنت سايلاۋى 9 تامىزدا وتەدى. الەكساندر لۋكاشەنكو التىنشى رەت سايلاۋعا تۇسكەلى وتىر.

4 ماۋسىمدا لۋكاشەنكو ەلدە تۇراقسىزدىقتى كوزدەيدى دەپ ءوزىنىڭ قارسىلاستارىن سىنادى.

Abai.kz

6 پىكىر