Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
2119 6 pikir 6 Mausım, 2020 sağat 12:52

Lukaşenko Ändijandı eske salıp, al Rahmonnıñ pulemetpen Duşanbege kirgenin ayttı

4 mausımda Belarus' prezidenti Aleksandr Lukaşenko ükimet otırısı kezinde "Belarus'tiñ eñ ülken jetken jetistigi - beybitşilik pen twraqtılıq, biraq keybireuler mwnı da wmıtıp ketip jatadı" dep mälimdedi. Bwl jayında Belarus' prezidenti äkimşiliginiñ baspasöz qızmeti habarladı.

Lukaşenko Belarus' - postsovettik elderdiñ işinde qasiretti körmegen jalğız memleket degen.

«Bizdiñ keybir azamattar jartı territoriyasınan ayırılıp, soğıs jürip jatqan Ukraina öte alıs el dep oylaydı. Ekige bölingen Moldovanı da bizden şalğayda dep oylaydı. Gorbaçev kezinde täuelsizdikti talap etken üşin Litvada da soğıs jürdi. Kavkazda jer üşin armyandar men äzerbayjandıqtardıñ äli soğısıp jatqanın wmıtıp qaldıq. Gruziya jeriniñ üşten bir böliginen, birinşi Abhaziyadan, sosın Oñtüstik Osetiyadan ayırıldı. Meniñ dosım Rahmonnıñ tärtip jürgizip, saqaldılarmen küresu üşin Täjikstan astanası Duşanbede pulemetpen jürgenin eşkim bilmeydi. Özbekstannıñ bwrınğı prezidenti Islam Karimov Ändijanda mıñdağan adamdı öltirip, halıqtı bastı. Bäri onı sınadı, biraq ölgen kezde, bäri jıladı. Biz bwnıñ birin de bastan ötkermedik. Keybiri mwnı tüsingisi kelmeydi", - dedi Aleksandr Lukaşenko.

Kezekti prezident saylauına eki ay qalğanda Aleksandr Lukaşenko ükimetti ostavkağa jiberdi.

Belarus'te prezident saylauı 9 tamızda ötedi. Aleksandr Lukaşenko altınşı ret saylauğa tüskeli otır.

4 mausımda Lukaşenko elde twraqsızdıqtı közdeydi dep öziniñ qarsılastarın sınadı.

Abai.kz

6 pikir