الماتىدا ماس جۇرگىزۋشى بلوكبەكەتتى سوعىپ ءوتىپ، سالدارىنان ەكى پوليتسەي قازا تاپتى، - دەپ حابارلايدى Tengrinews.kz

پوليتسيا مالىمەتىنشە، 25 مامىردا تاڭعى ساعات 05.26-دا BMW ماركالى كولىكتىڭ 1992 جىلعى جۇرگىزۋشى الماتى وبلىسى قاراساي اۋدانى كوكساي ىقشاماۋدانى قوجابەكوۆ كوشەسىمەن سولتۇستىك باعىتتا كەلە جاتىپ، جاڭا عاسىر كوشەسىنىڭ قيىلىسىندا №4 بلوكبەكەتكە بارىپ سوعىلىپ، ينەرتسيامەن پاترۋلدىك كولىككە قاراي ءۇشىپ كەتكەن. سالوندا ەكى پوليتسەي بولعان.

وكىنىشكە قاراي، ەكى پوليتسەيدىڭ دە قازا تاپقانى بەلگىلى بولدى.

باستاپقىدا 42 جاستاعى اعا لەيتەنانت جالعاس جانعازيەۆتىڭ وقيعا ورنىندا قازا تاپقانى حابارلانسا، بىرنەشە ساعاتتان سوڭ ەكىنشى پوليتسەي، پوليتسيا سەرجانتى داستان ابدىقانوۆتىڭ اۋرۋحانادا قايتىس بولعانى بەلگىلى بولدى. ول اۋرۋحاناعا اسا اۋىر جاعدايدا جەتكىزىلگەن ەدى.

جالعاس جانعازيەۆ

"پوليتسيا سەرجانتى ابدىقانوۆ داستان ماراتجانۇلى 1994 جىلى دۇنيەگە كەلگەن، الماتى تۋماسى. ىشكى ىستەر ورگاندارىندا 2016 جىلدان بەرى جۇمىس ىستەگەن. ۇيلەنگەن، ءبىر ايلىق قىزى ارتىندا قالدى. قالالىق پوليتسيا دەپارتامەنتى قازا تاپقانداردىڭ وتباسىلارىنا كوڭىل ايتادى", - دەلىنگەن حابارلامادا.

داستان ابدىقانوۆ

پوليتسەيلەردىڭ مالىمەتىنشە، ماس جۇرگىزۋشى قاماۋعا الىندى. وسى جاعداي بويىنشا سوتقا دەيىنگى تەرگەۋ باستالدى.

Abai.kz