تۇركيا پرەزيدەنتى رەجەپ تايىپ ەردوعان قاسىم-جومارت توقاەۆقا حات جولداپ، قازاقستاننىڭ COVID-19 ىندەتىنە قارسى ءىس-شارالارىنا جوعارى باعا بەردى.

«كەسەلگە قارسى جۇمىستارىڭىزدى مۇقيات قاداعالاپ وتىرمىز. قازاق حالقى بۇل داعدارىستى از شىعىنمەن ەڭسەرەتىنىنە سەنىمىم مول. دوستاس ءارى باۋىرلاس قازاقستانعا قول ۇشىن سوزۋعا ءاردايىم دايىنبىز. قازاقستاندىق دوستارىمىزدىڭ كۇش-جىگەرىنە قولداۋ بولار دەگەن نيەتپەن ەلىڭىزگە مەديتسينالىق جابدىقتار جىبەرۋدەمىن»، – دەلىنگەن تۇركيا پرەزيدەنتى جازعان حاتتا.

سونىمەن قاتار، ەردوعان ۆيرۋستان كوز جۇمعان ازاماتتاردىڭ وتباسىلارىنا كوڭىل ايتتى جانە ەكىجاقتى ستراتەگيالىق ارىپتەستىك داعدارىستان كەيىن قازىرگىدەن دە بەكي تۇسەتىنىنە سەنىم ءبىلدىردى.

Abai.kz