ماقتاارالداعى اعىن سۋدى اۋىزدىقتاۋ ءۇشىن كۇندىز-ءتۇنى اۋداندا جۇرگەن ومىرزاق شوكەەۆ توتەنشە جاعداي جونىندەگى كەزەكتى شتاب وتىرىسىن وتكىزدى. ءوڭىر باسشىسى حالىققا جان-جاقتى كومەك بەرىپ، تۇرعىندارعا ۇلكەن قولداۋ كورسەتۋ كەرەكتىگىن اتاپ ءوتتى. ول حالىققا كورسەتىلەتىن كومەكتىڭ ۇلكەن اۋقىمدا بولاتىنىن ايتىپ، ءتيىستى سالا باسشىلارىنا بىرقاتار تاپسىرما بەردى. اتاپ ايتقاندا، ەڭ الدىمەن ەۆاكۋاتسيالىق پۋنكتتەرگە ورنالاسقان حالىققا الەۋمەتتىك كومەك كورسەتۋ جانە وتەماقى تولەۋ ءۇشىن ولاردىڭ مال سانى، جىلجىمايتىن مۇلىك، جەكە باس قۇجاتتارىنىڭ مالىمەتتەرىن جيناقتاۋدى تاپسىردى.

- ەكىنشىدەن، اپاتتان زارداپ شەككەن تۇرعىنداردى ازىق-تۇلىك، قاجەتتى زاتتارمەن قامتاماسىز ەتۋگە كاسىپكەرلەر مەن قوعامدىق قورلاردى تارتۋدى ۇسىندى.

- ۇشىنشىدەن، تۇرعىن ۇيلەرگە كەلتىرىلگەن زالالدىڭ مولشەرىن ەسەپتەۋدى جۇكتەدى.

- تورتىنشىدەن، كاسىپكەرلىك نىساندارعا كەلگەن زالال مولشەرىن انىقتاۋدى مىندەتتەدى.

- بەسىنشىدەن، زاقىم كەلگەن اۆتوموبيل جولدارى مەن تۇرعىن ءۇي-كوممۋنالدىق ينفراقۇرىلىم وبەكتىلەرىنە كەلتىرىلگەن زياننىڭ مولشەرىن ەسەپتەۋدى قولعا الۋ قاجەتتىگىنە توقتالدى.

«التىنشىدان، اۋىل شارۋاشىلىعى القاپتارى مەن ءۇي جانۋارلارىنا كەلتىرىلگەن زياننىڭ مولشەرىن ەسەپتەپ، جەتىنشى تاپسىرما رەتىندە قاۋىپ ءتونىپ تۇرعان ەلدىمەكەندەردى تاسقىن سۋدان قورعاۋ ماقساتىندا بوگەت جاساۋ جۇمىستارىن جۇرگىزۋ قاجەت»، دەدى ومىرزاق ەستايۇلى.

Abai.kz