جەكسەنبى, 31 مامىر 2020
COVID-19 قازاقستاندا. جۇقتىرعاندار — 10858. جازىلعاندار — 5404. قايتىس بولعاندار — 40
46 - ءسوز 739 1 پىكىر 2 ءساۋىر, 2020 ساعات 16:53

الدىمەن بيۋدجەتتەگى ورىنسىز شىعىنداردى قىسقارتقان ءجون

قاباتتاسا كەلگەن كەساپاتتار ەل ەكونوميكاسىنا كەرى اسەر ەتەتىنى ايدان انىق. بيلىك قارەكەت جاساپ-اق جاتىر، بىراق، سول باياعى ادەتىنە سالىپ ۇلتتىق قورعا قول سالدى.

دەگەنمەن، الدىمەن بيۋدجەتتەگى ورىنسىز شىعىنداردى تاعى ءبىر رەۆيزيالاپ، قىسقارتقان ءجون ەدى.

ۇلتتىق كومپانيالاردىڭ شىعىستارىن زەرتتەسەڭ، ماسقارا! "حوزتوۆارى" دەگەن بولىمگە عانا جۇزدەگەن ميلليون جۇمسايدى.

جسسب-تىڭ PR عا 200 ملن اسا جۇمساعانىن شۋلاپ جازدىق. ال، دىمعا كەرەگى جوق جارناماعا دەپ بيىلعى بيۋدجەتىنە قىرۋار اقشا سالىپ قويعان وسى بانكتەن باسقا قانشاسى با؟

كۇنى كەشە اقتاۋ قالاسى كوگالداندىرۋ جۇمىستارىنا 800 ملن استام قاراجات قاراستىرعانىن وقىدىم. جاعداي مىناداي بوپ جاتقاندا (ەرتەڭ حالىق اشىعادى ءالى) سول اعاش ەگۋ قاجەت پە؟

ودان قالدى، بار ايماقتارداعى "جەلگە ۇشىپ جاتقان" - قاڭعىباس يت اۋلاۋعا، ماسا ولتىرۋگە، تىشقان ۋلاۋعا، تۋعان جەرگە ەكسپەدياعا شىعۋعا ت.ب دەگەن سياقتى جوسپارلانعان شىعىنداردى كەسسە دە ءبىراز قاراجات ۇنەمدەلەر ەدى.

سوسىن ۇلكەن قۇرىلىستاردى ازايتۋ كەرەك. اسىرەسە ولاردىڭ سمەتالارىن قايتا قاراعان ءجون.ايتپەسە، ءبىزدىڭ جەمقورلار جوباسى بىردەي ەكى مەكتەپكە ەكى ءتۇرلى سمەتا جاساۋعا شەبەر. بىرەۋى 100 ملن.تۇرسا، ەكىنشىسى 4-5 ملرد.قا بارىپ جاتادى. 

تارتا جەسەڭ تاي قالار،

قويا جەسەڭ قوي قالار،

قويماي جەسەڭ نەڭ قالار؟

قازىر ناعىز تارتا جەيتىن كەز كەلدى.

جاناحمەت اعىباەۆتىڭ الەۋمەتتىك جەلىدەگى جازباسى

Abai.kz

1 پىكىر