مارقۇمنىڭ نۇر-سۇلتان قالاسىنىڭ تۇرعىنى ەكەنى ايتىلادى.

"بۇگىن ءبىر ناۋقاس كوروناۆيرۋستان قايتىس بولدى. جاقىندارى مەن تۋىستارىنا كوڭىل ايتامىن", - دەدى قيسىقوۆا.

50 جاستاعى ناۋقاس 2020 جىلدىڭ 21 ناۋرىزىندا جەدەل مەديتسينالىق جاردەم بريگاداسىمەن اۋرۋحاناعا جاتقىزىلعان. بىر اي بويى اۋىرىپ، مەديتسينالىق كومەككە جۇگىنبەگەن. جۇمىسى ءجيى ىسساپارعا شىعۋمەن بايلانىستى بولعان.

وتباسى مۇشەلەرى مەن جۇمىس بويىنشا قىزمەتكەرلەر قاتارىنداعى 31 جاقىن ادام اۋرۋحاناعا جاتقىزىلدى. 55 ادام بايلانىستا بولعان، ولار ءۇي كارانتينىنە جاتقىزىلدى. سونىمەن قاتار، وتباسىنىڭ ەكى جاقىن مۇشەسىندە كوروناۆيرۋستىق ينفەكتسيا تىركەلگەن.

ەسكە سالايىق، مۇنىڭ الدىندا ەلىمىزدە كوروناۆيرۋستان 64 جاستاعى ايەلدىڭ قايتىس بولعانى حابارلانعان ەدى. كەينىرەك ايەلدىڭ الماتىعا قۇدالىققا بارعانى انىقتالدى.

سوڭعى مالىمەتتەر بويىنشا، قازاقستاندا كوروناۆيرۋس جۇقتىرعانداردىڭ سانى 325 ادامعا جەتتى.

Abai.kz