جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 1490 7 پىكىر 24 ناۋرىز, 2020 ساعات 12:58

عىلىمعا سەن، عىلىم قۇتقارادى

سوڭعى ۆيرۋس پاندەمياسى تاعى دا ءبىر رەت كورسەتتى وسىنداي اپاتتار الدىندا ءدىني اعىمدار، جاماعاتتار، تاريقاتتار، عيباداتحانالار، مولدالار، پوپتار، راۆۆيندەر، باقسى بالگەرلەر تب ءبارى دە ءالسىز، قولدارىنان ەشتەڭە دە كەلمەيدى. ءدىن بيزنەسىمەن كۇن كورىپ، ءشىرىپ بايىپ جاتقان ورتالار ءبىر ۆاكتسينانىڭ جاساعانىن دا جاساي المايدى.

سوندىقتان عىلىم كەرەك ادامعا، ءبىلىم كەرەك. دۇنيەجۇزىلىك سوعىستىڭ دا قاجەتى جوق مىنا جاعدايدا. ءبىر ۆيرۋس بۇكىل الەمدى تىزە بۇكتىردى، الەم ەكونوميكاسىنا تريلليونداعان دوللار شىعىم كەلدى. اۆياكومپانيالار قۇلاپ جاتىر، تۋريزم ءبىتتى، تۋريزم كىرىستەرى ەندى جوق. ۆيرۋستىڭ سوققىسىنان قۇتىلۋ بىرنەشە جىلعا، ءتىپتى ونداعان جىلدارعا سوزىلۋى مۇمكىن...

قانشاما جىلدار بويى ايتىپ كەلەمىن، ينۆەستيتسيانى ءبىلىم سالاسىنا جانە دەنساۋلىققا سالۋ كەرەك ەدى دەپ. ءبىلىم مەن مەديتسيناعا سالىنعان ينۆەستيتسيا ەڭ دۇرىسى، ەڭ ءتيىمدىسى، ناقتى قايتارىمى بار تەك وسىلار عانا. ال ءبىز نەشە ءتۇرلى سامميتتەر مەن سەزدەرگە، جينالىستارعا، كونكۋرستارعا ميللياردتاعان اقشانى شاشتىق، سول شەكسىز اقشا ۋاقىتشا شارالارمەن ۇشتى دا كەتتى....

ۆيرۋسپەن بوكسشىلار مەن انشىلەر كۇرەسە المايدى، تويحانالار مەن مەيرامحانالار قايتا ۆيرۋستىڭ تارالۋىنا سەپتىگىن تيگىزەدى. ۆيرۋسپەن تەك زەرتتەۋشى عالىمدار عانا كۇرەسە الادى، ولارعا زەرتتەۋ ورتالىقتارى، لابوراتوريالار كەرەك، كەرەمەت بىلىكتى ماماندار كەرەك، ەڭ وزىق جابدىقتار كەرەك، جوبا مەن تۇجىرىم كەرەك، مەملەكەت تاراپىنان جانە جەكە سەكتوردەن قولداۋ كەرەك.

ۆيرۋستان شىڭعىس حان دا قۇتقارا المايدى اعايىندار! تاريحتا وتكەن ەشبىر شەشەن، ەشبىر جىراۋ دا قۇتقارا المايدى. ءبىز كوپ ەنەرگيانى، كوپ ۋاقىتتى، كوپ ادامي رەسۋرستى شىڭعىس حاندى قازاق قىلىپ شىعارۋعا جۇمسادىق، تيران قازاق بولىپ شىقسا جەربەتىندە جۇماق ورنايدى دەپ سەنەتىندەر بار. ەندى وسى ىسىراپتىڭ ءبارىن قوياتىن سىن ءسات تۋدى، تەزىرەك ەس جيىپ، ناقتى ىستەرمەن، پايدالى ىستەرمەن شۇعىلداناتىن ۋاق كەلدى. ايتپەسە قۇريمىز...

مۇرتازا ءجۇنىسۇلىنىڭ الەۋمەتتىك جەلىدەگى جازباسى

Abai.kz

7 پىكىر