Beysenbi, 4 Mausım 2020
COVID-19 QAZAQSTANDA. Jwqtırğandar — 11796. Jazılğandar — 6240. Qaytıs bolğandar — 48
46 - söz 1386 7 pikir 24 Naurız, 2020 sağat 12:58

Ğılımğa sen, ğılım qwtqaradı

Soñğı virus pandemiyası tağı da bir ret körsetti osınday apattar aldında dini ağımdar, jamağattar, tariqattar, ğibadathanalar, moldalar, poptar, ravvinder, baqsı balgerler tb bäri de älsiz, qoldarınan eşteñe de kelmeydi. Din biznesimen kün körip, şirip bayıp jatqan ortalar bir vakcinanıñ jasağanın da jasay almaydı.

Sondıqtan ğılım kerek adamğa, bilim kerek. Düniejüzilik soğıstıñ da qajeti joq mına jağdayda. Bir virus bükil älemdi tize büktirdi, älem ekonomikasına trilliondağan dollar şığım keldi. Aviakompaniyalar qwlap jatır, turizm bitti, turizm kiristeri endi joq. Virustıñ soqqısınan qwtılu birneşe jılğa, tipti ondağan jıldarğa sozıluı mümkin...

Qanşama jıldar boyı aytıp kelemin, investiciyanı bilim salasına jäne densaulıqqa salu kerek edi dep. Bilim men medicinağa salınğan investiciya eñ dwrısı, eñ tiimdisi, naqtı qaytarımı bar tek osılar ğana. Al biz neşe türli sammitter men s'ezderge, jinalıstarğa, konkurstarğa milliardtağan aqşanı şaştıq, sol şeksiz aqşa uaqıtşa şaralarmen wştı da ketti....

Viruspen boksşılar men änşiler kürese almaydı, toyhanalar men meyramhanalar qayta virustıñ taraluına septigin tigizedi. Viruspen tek zertteuşi ğalımdar ğana kürese aladı, olarğa zertteu ortalıqtarı, laboratoriyalar kerek, keremet bilikti mamandar kerek, eñ ozıq jabdıqtar kerek, joba men twjırım kerek, memleket tarapınan jäne jeke sektorden qoldau kerek.

Virustan Şıñğıs han da qwtqara almaydı ağayındar! Tarihta ötken eşbir şeşen, eşbir jırau da qwtqara almaydı. Biz köp energiyanı, köp uaqıttı, köp adami resurstı Şıñğıs handı qazaq qılıp şığaruğa jwmsadıq, tiran qazaq bolıp şıqsa jerbetinde jwmaq ornaydı dep senetinder bar. Endi osı ısıraptıñ bärin qoyatın sın sät tudı, tezirek es jiıp, naqtı istermen, paydalı istermen şwğıldanatın uaq keldi. Äytpese qwrimız...

Mwrtaza Jüniswlınıñ äleumettik jelidegi jazbası

Abai.kz

7 pikir