جۇما, 3 ءساۋىر 2020
COVID-19 قازاقستاندا. جۇقتىرعاندار — 464. جازىلعاندار — 29. قايتىس بولعاندار — 3
بيلىك 575 0 پىكىر 13 ناۋرىز, 2020 ساعات 11:13

قازاقستان پرەزيدەنتى بىرقاتار مەملەكەتتىك ورگان باسشىلارىمەن كەڭەس وتكىزدى

كەڭەس بارىسىندا دەنساۋلىق ساقتاۋ ءمينيسترى ەلجان ءبىرتانوۆ قاسىم-جومارت توقاەۆقا دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ جاريالاعاننان كەيىنگى الەمدەگى احۋال جايىندا باياندادى. سونداي-اق، مينيستر ددسۇ-نىڭ ىندەتكە قارسى كۇرەسكە قاتىستى ۇسىنىستارى، سونداي-اق، قازاقستان ازاماتتارىنىڭ قاۋىپسىزدىگىن قامتاماسىز ەتۋگە بايلانىستى قابىلدانىپ جاتقان شارالار تۋرالى مالىمەت بەردى.

قازاقستان پرەزيدەنتى ۇكىمەتكە جانە باسقا مەملەكەتتىك ورگاندارعا ۆيرۋستىڭ ەلىمىزگە ەنۋىنە جانە تارالۋىنا جول بەرمەۋ شارالارىن قاتاڭداتۋ جونىندە بىرقاتار ناقتى تاپسىرما بەردى. اتاپ ايتقاندا، جاپپاي مادەني جانە سپورتتىق شارالار، كونفەرەنتسيالار مەن كورمەلەر وتكىزۋگە ۋاقىتشا تىيىم سالىنادى. حالىق كوپ شوعىرلاناتىن جەرلەردە، ساۋدا ورتالىقتارى مەن بازارلاردا، قوعامدىق تاماقتانۋ ورىندارىندا، ۆوكزالدار مەن اۋەجايلاردا قاتاڭ سانيتارلىق رەجيم ەنگىزىلەدى. مەكتەپتەردەگى كوكتەمگى دەمالىس 2020 جىلدىڭ 16 ناۋرىزىنان باستالادى. جوعارى وقۋ ورىندارى قاشىقتان وقىتۋ ادىسىنە كوشىرىلەدى. حالىقارالىق اۋە تاسىمالىنا قاتىستى دا قوسىمشا شەكتەۋ شارالارى قابىلدانادى.

قاسىم-جومارت توقاەۆ حالىقتى ازىق-تۇلىكپەن جانە ەڭ قاجەتتى تاۋارلارمەن ۇزدىكسىز قامتاماسىز ەتۋ ماسەلەسىن ەرەكشە اتاپ ءوتتى. پرەزيدەنت شەكتەۋ شارالارىنان شاعىن جانە ورتا بيزنەستىڭ زارداپ شەكپەۋى ءتيىس ەكەنىن ايتتى.

Abai.kz

0 پىكىر