Düysenbi, 30 Naurız 2020
Bilik 546 0 pikir 13 Naurız, 2020 sağat 11:13

Qazaqstan Prezidenti birqatar memlekettik organ basşılarımen keñes ötkizdi

Keñes barısında Densaulıq saqtau ministri Eljan Birtanov Qasım-Jomart Toqaevqa Düniejüzilik densaulıq saqtau wyımı koronavirustı pandemiya dep jariyalağannan keyingi älemdegi ahual jayında bayandadı. Sonday-aq, ministr DDSW-nıñ indetke qarsı küreske qatıstı wsınıstarı, sonday-aq, Qazaqstan azamattarınıñ qauipsizdigin qamtamasız etuge baylanıstı qabıldanıp jatqan şaralar turalı mälimet berdi.

Qazaqstan Prezidenti Ükimetke jäne basqa memlekettik organdarğa virustıñ elimizge enuine jäne taraluına jol bermeu şaraların qatañdatu jöninde birqatar naqtı tapsırma berdi. Atap aytqanda, jappay mädeni jäne sporttıq şaralar, konferenciyalar men körmeler ötkizuge uaqıtşa tıyım salınadı. Halıq köp şoğırlanatın jerlerde, sauda ortalıqtarı men bazarlarda, qoğamdıq tamaqtanu orındarında, vokzaldar men äuejaylarda qatañ sanitarlıq rejim engiziledi. Mektepterdegi köktemgi demalıs 2020 jıldıñ 16 naurızınan bastaladı. Joğarı oqu orındarı qaşıqtan oqıtu ädisine köşiriledi. Halıqaralıq äue tasımalına qatıstı da qosımşa şekteu şaraları qabıldanadı.

Qasım-Jomart Toqaev halıqtı azıq-tülikpen jäne eñ qajetti tauarlarmen üzdiksiz qamtamasız etu mäselesin erekşe atap ötti. Prezident şekteu şaralarınan şağın jäne orta biznestiñ zardap şekpeui tiis ekenin ayttı.

Abai.kz

0 pikir