بۇل تۋرالى وزبەكستان ەنەرگەتيكا مينيسترلىگىنىڭ ءباسپاسوز قىزمەتى حابارلادى.
وزبەكستاننىڭ ەنەرگەتيكا مينيسترلىگىندە 5 اقپاندا قازاقستاننىڭ ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ باستاعان دەلەگاتسيامەن كەزدەسۋ ءوتتى.
"قازاقستان جاعى كورشى ەلدىڭ اتوم قۋاتىن بەيبىت ماقساتتا پايدالانۋ ءۇشىن قولعا العان شارالارىنا وڭ باعا بەردى" دەلىنگەن وزبەك مينيسترلىگىنىڭ حابارلاماسىندا. كەزدەسۋ ناتيجەسىندە تاراپتار وسى باعىتتا بىرلەسىپ جۇمىس ىستەۋگە كەلىستى.
"روساتوم" باس ديرەكتورى الەكسەي ليحاچەۆ "روسسيا 1" تەلەارناسىنا بەرگەن سۇحباتىندا وزبەكستانداعى اەس ىرگەتاسىنىڭ قۇرىلىسى 2020–2021 جىلدارعا جوسپارلانعانىن ايتقان.
وزبەكستان ەنەرگەتيكا ءمينيسترى الىشەر سۇلتانوۆتىڭ حابارلاۋىنشا، اەس 1200 گيدرواگرەگاتتان تۇرادى، ونىڭ ارقايسىنىڭ قۋاتى - 1200 مۆت. العاشقى قۋات بلوگى 2028 جىلى، ەكىنشىسى - 2030 جىلعا قاراي ىسكە قوسىلادى.
اەس قۇرىلىسىنا قانشا قاراجات جۇمسالاتىنى، ونى كىم تولەيتىنى ازىرگە بەلگىسىز.
Abai.kz
