جەكسەنبى, 12 شىلدە 2020
COVID-19 قازاقستاندا. جۇقتىرعاندار — 58253. جازىلعاندار — 33814. قايتىس بولعاندار — 264
بيلىك 925 3 پىكىر 6 اقپان, 2020 ساعات 10:41

مەملەكەت باسشىسى ەرماك ءسالىموۆتى قابىلدادى

مەملەكەت باسشىسى سەمەي قالاسىنىڭ اكىمى ەرماك ءسالىموۆتى قابىلدادى

قاسىم-جومارت توقاەۆقا سەمەي قالاسىنىڭ الەۋمەتتىك-ەكونوميكالىق دامۋى، حالىقتىڭ ءال-اۋقاتىن ارتتىرۋ باعىتىندا اتقارىلىپ جاتقان شارالار تۋرالى باياندالدى.

كەزدەسۋدە توقتاپ تۇرعان كاسىپورىنداردى ىسكە قوسۋ، اتاپ ايتقاندا، تەرى-ءجۇن كومبيناتىنىڭ جۇمىسىن قايتا جۇرگىزۋ ماسەلەسى قاراستىرىلدى. سونىمەن قاتار راديولوگيالىق ورتالىقتى پايدالانۋعا بەرۋ مەن جاڭا مەكتەپتىڭ قۇرىلىسى، جول جوندەۋ جۇمىستارى مەن كوشەلەردىڭ اباتتاندىرىلۋى ءسوز بولدى.

پرەزيدەنت ابايدىڭ 175 جىلدىعىنا ارنالعان مەرەيتويلىق شارالاردى ساپالى ءارى شەتەلدەن ماماندار تارتپاي ۇيىمداستىرۋدى تاپسىردى.

مەملەكەت باسشىسى سەمەيگە تاريحي ورتالىق مارتەبەسىن بەرۋ جونىندە ماڭىزدى قادام جاسالعانىن اتاپ ءوتىپ، ونىڭ مۋزەيلەر جۇمىسىنىڭ ساپاسىن ارتتىرۋعا جانە قالانىڭ كورىكتى جەرلەرىن اباتتاندىرۋعا باعىتتالعان ءتيىستى شارالار قابىلداۋدى تالاپ ەتەتىنىن ايتتى. اتالعان نىساندار تۋريستەر مەن قالا قوناقتارى ءۇشىن تارتىمدى بولىپ، قىزمەت ەتۋى ءتيىس.

قاسىم-جومارت توقاەۆ ەرماك سالىموۆكە ۆولونتەرلەر قوزعالىسىمەن بىرلەسىپ، «سەمەي ورمانى» اۋماعىندا اعاش ەگۋ جۇمىستارىن ۇيىمداستىرىپ، بۇل اكتسياعا جاستاردىڭ قاتىسۋىن قامتاماسىز ەتۋ قاجەتتىگىن ايتتى.

Abai.kz

3 پىكىر