قازاقستان ۇكىمەتى بيىل دۋبايدا وتەتىن ەسپو كورمەسىنە جۇمسايتىن شىعىنداردى قايتا قاراۋى مۇمكىن. بۇل تۋرالى ۇلتتىق ەكونوميكا ءمينيسترى رۋسلان دالەنوۆ ايتتى.

- ءبىز كوميسسيا وتىرىسىندا ەكسپو نە بەرەدى، قۇنى قانشا، تيىمدىلىگى نەدە جانە ەلگە ەكسپو ارقىلى قانشا ينۆەستيتسيا تارتۋعا بولادى، دەگەن ماسەلەلەردى قاراستىرامىز. ەگەر كوميسسيا وسى شىعىنداردىڭ ءتيىمدى ەكەنىن دالەلدەمەسە، دۇرىس شەشىم قابىلدانادى. جالپى، ءبىز بەلگىلى ءبىر فورۋمعا قاراجات سالۋ ماسەلەسىن جان-جاقتى تالقىلايمىز، - دەدى مينيستر رۋسلان دالەنوۆ.

قازاقستاننىڭ 2020 جىلى وتەتىن ەكسپو كورمەسىنە قاتىساتىنىن ساۋدا مينيسترلىگى دالەلدەپ وتىرۋى كەرەك. وسى ۋاقىتقا دەيىن، ساۋدا جانە ينتەگراتسيا ءمينيسترى باقىت سۇلتانوۆ قازاقستان دۋبايداعى ەكسپو كورمەسىنە ەل بيۋدجەتىنەن 9 ملرد.تەڭگە بولىنگەنىن ايتقان.

ال، ەكسپو كورمەسىندە قازاقستان پاۆيلونىن سالۋ ءۇشىن اۋدانى 3,420 شارشى مەتردى قۇرايتىن ەڭ ۇلكەن ۋچاسكەلەردىڭ ءبىرى بەرىلگەن.

ەكسپو 2020 - دۋباي قالاسىندا ء(باا) وتەتىن بۇكىلالەمدىك كورمە. كورمەنى وتكىزۋ ورنى 2013 جىلى 27 قاراشادا پاريجدە حالىقارالىق كورمە بيۋروسىنىڭ باس اسسامبلەياسىندا انىقتالدى. كورمە 2020 جىلدىڭ 20 قازانى مەن 2021 جىلدىڭ 10 ءساۋىرى ارالىعىندا وتەدى.

Abai.kz