سەيسەنبى, 21 مامىر 2024
اباي.tv 5003 3 پىكىر 5 ءساۋىر, 2024 ساعات 16:12

نەسيە كەشىرىلە مە؟ ۇكىمەت نە دەيدى، دەپۋتات نە دەيدى؟

سۋ تاسقىنىنان زارداپ شەككەن ايماقتاردىڭ تۇرعىندارىنا مەملەكەت قانداي كومەك كورسەتەدى؟ سۋعا كەتكەن، قيراعان نەمەسە زاقىمدانعان تۇرعىن ۇيلەر قالپىنا كەلتىرىلە مە؟ سۋعا كەتكەن ايماقتاردىڭ تۇرعىندارىنىڭ نەسيەسى كەشىرىلە مە؟ قانداي جەڭىلدىكتەر جاسالادى؟

بۇل سۇراقتارعا بۇگىن ۇكىمەت باسشىسى ولجاس بەكتەنوۆ جاۋاپ بەرىپتى. بۇيدەيدى:

قر ۇكىمەت باسشىسى ولجاس بەكتەنوۆ – سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى زارداپتارىن جويۋ جونىندەگى رەسپۋبليكالىق شتابتىڭ جەتەكشىسى. ول بۇىگن اقتوبە وبلىسىنداعى سۋ تاسقىنىنا بايلانىستى جاعدايدى تەكسەرىپ، زارداپ شەككەن تۇرعىندارعا كورسەتىلەتىن كوەمكتەر تۋرالى ايتتى.

بەكتەنوۆتىڭ تۇرعىن ۇيلەردى قالپىنا كەلتىرۋ تۋرالى ەكى اۋزى ءسوزى:

ءبىرىنشى: «مەملەكەت باسشىسىنىڭ تاپسىرماسى بويىنشا سۋ باسقان ۇيلەردىڭ بارلىعى قۇجاتتاردىڭ بار-جوعىنا قاراماستان، قالپىنا كەلتىرىلەتىن بولادى. مەملەكەت ەشكىمدى باسپاناسىز، دالادا قالدىرمايدى».

ەكىنشى: «وسىنداي قيىن جاعدايدا ءىرى، ورتا بيزنەس، سونداي-اق كىشىگىرىم كومپانيالار جانە ەلدىڭ تاعدىرىنا بەي-جاي قارامايتىن قاراپايىم ازاماتتار قول ۇشىن سوزىپ جاتىر. بيۋدجەت قاراجاتىنا قوسىمشا تۇرعىن ۇيلەردى قالپىنا كەلتىرۋگە، جوعالعان مۇلىك پەن مال شىعىنىن وتەۋگە باعىتتالاتىن قوماقتى سوما جينالدى. مەردىگەر كومپانيالار وسىنداي قيىن جاعدايدى بيزنەسكە اينالدىرمايدى جانە بارلىق قاراجات ماقساتتى تۇردە جۇمسالادى دەپ سەنەمىن».

نەسيە بەرەشەگى بار ازاماتتار تۋرالى: «اكىمدىك تىزىمدەرى بويىنشا سۋ تاسقىنىنان زارداپ شەككەندەر ساناتىنا جاتقىزىلعان بارلىق ازاماتتارعا نەسيەلەر بويىنشا جىلدىڭ ماۋسىم ايىنىڭ سوڭىنا دەيىن 3 ايعا نەسيە تولەمدەرىن اۆتوماتتى تۇردە كەيىنگە شەگەرۋ مۇمكىندىگى بەرىلەدى، سونىمەن قاتار تولەمدەردى كەشىكتىرگەنى ءۇشىن ايىپپۇلدار مەن ءوسىمپۇلدار سالىنبايدى»، - دەدى.

ايتا كەتەيىك، وسىعان دەيىن سۋ باسقان ايماقتاردىڭ تۇرعىندارىنىڭ نەسيەلىك بەرەشەكتەرىن كەشىرۋ تۋرالى ماجىلىستەگى «اق جول» پارتياسىنىڭ دەپۋتاتى اسقار سادىقوۆ ماسەلە كوتەرگەن ەدى.

«سۋ باسقان ايماقتارداعى مال باعىپ، مالمەن اينالىسىپ وتىرعان شارۋالاردىڭ بارلىعى دەرلىك كرەديتتەرىن جابا الماي وتىر. قازىر دەپۋتاتتىق ساۋال دايىندايمىز. ونداعى شارۋالارعا 3 جىلعا نەسيەلەرىن توقتاتۋدى ۇكىمەتتەن تالاپ ەتەمىز. قازىر ول جاقتاعى شارۋالارعا كومەكتەسۋىمىز كەرەك. سۋ تاسقىنىنا بايلانىستى توتەنشە جاعداي جاريالانعان ايماقتاردىڭ شارۋالارىنا سونداي مۇمكىندىك بەرۋىمىز كەرەك. ۇكىمەت وسىنداي قيىن كەزدە كومەك قولىن سوزۋى ءتيىس. مال شىعىنى وتە كوپ»، - دەگەن بولاتىن.

Abai.kz

3 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2242
ادەبيەت

«سولاي ەمەس پە؟»

عابباس قابىشۇلى 2597
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2561
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1687