بەك ەير اپاتىندا قازاقستان گەنەرالدار كەڭەسىنىڭ توراعاسى رۇستەم ەسىمحانۇلى قايداروۆ قازا تاپتى. بۇل اقپاراتتى وعامدىق بىرلەستىكتىڭ مۇشەسى ماحمۇت تەلەگۋسوۆ راستادى.

قايداروۆ رۇستەم ەسىمحانۇلى - قازاقستان رەسپۋبليكاسى ىشكى ىستەر مينيسترلىگىنىڭ قۇرمەتتى ارداگەرى. ول 1940 جىلى 18 مامىردا سەمەي وبلىسىندا دۇنيەگە كەلگەن. قازمۋ زاڭ فاكۋلتەتىندە وقىعان.

رۇستەم ەسىمحانۇلى وسى جىلدار ىشىندە تەرگەۋشى، پوليتسيا باستىعى، ورىنباسارى، قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى قىزمەتتەرىن اتقاردى.

ەكى ۇلى، ءۇش نەمەرەسى بار.

ايتا كەتەيىك، 27 جەلتوقسان كۇنى تاڭەرتەڭ Bek Air كومپانياسىنا تيەسىلى Fokker-100 ۇشاعى اپاتقا ۇشىرادى.پرەزيدەنت قاسىم-جومارت توقاەۆ قازا بولعانداردىڭ وتباسىلارىنا كوڭىل ايتىپ، كىنالىلەر جازالاناتىنىن مالىمدەدى.

Abai.kz