جىلداعى ءداستۇر بويىنشا مەرەكە اياسىندا اۋىلشارۋاشىلىعى ونىمدەرىنىڭ جارمەڭكەسى ۇيىمداستىرىلىپ، قىزىلوردا قالاسى مەن بارلىق اۋدانداردان ارنايى كەلگەن شارۋاشىلىقتار ءوز ونىمدەرىن تۇرعىندارعا ارزان باعامەن ۇسىندى. ايماق باسشىسى قۋانىشبەك ىسقاقوۆ جارمەڭكەنى ارالاپ كورىپ، تۇرعىندارمەن سۇحباتتاستى. 

قىزىلوردا وبلىسىنىڭ شارۋالارى جارمەڭكەگە 1700 تونناعا جۋىق اۋىل شارۋاشىلىعى ونىمدەرىن – كوكونىس، باقشا جانە ءسۇت ونىمدەرى مەن بالىق، ەت الىپ كەلگەن. ايتا كەتەيىك، بارلىق ءونىم نارىقتاعى باعادان 10-15 پايىزعا تومەن ساتىلدى. سونىمەن قاتار، جارمەڭكە الاڭدارىندا ونەرپازدار ءوز ونەرلەرىن كورسەتىپ، قالا تۇرعىندارىنا كوتەرىڭكى كوڭىل-كۇي سىيلادى.

مۇنان سوڭ، «التىن ءدان» مەرەكەسىنە ارنالعان سالتاناتتى جيىن ۇيىمداستىرىلىپ، ايماق باسشىسى اۋىلشارۋاشىلىعى سالاسىنىڭ ۇزدىكتەرىن ماراپاتتادى.

«قازىرگى تاڭدا وبلىستىڭ اگرارلىق سەكتورىندا سەرپىندى دامۋ ديناميكاسى قالىپتاسىپ كەلەدى. كەيىنگى جىلدارى اگرارلىق سەكتوردا وندىرىلگەن ءونىم كولەمى 1,5 ەسەگە ءوستى. اۋىل شارۋاشىلىعىنا سالىنعان ينۆەستيتسيا كولەمى 46 ەسەگە، تاماق ونىمدەرىن وندىرۋگە سالىنعان ينۆەستيتسيا 10 پايىزعا ۇلعايدى. بيىل وبلىس بويىنشا بارلىعى 183,1 مىڭ گەكتارعا اۋىل شارۋاشىلىعى داقىلدارى ورنالاستىرىلىپ، جالپى ەگىس كولەمى 2014 جىلمەن سالىستىرعاندا 25 مىڭ گەكتارعا ارتتى. ءارتاراپتاندىرۋ باعىتىندا مال ازىقتىق داقىلدار 8 مىڭ گەكتارعا، مايلى داقىلدار 7 مىڭ گەكتارعا، ال، كۇرىشتەن باسقا ءداندى داقىلدار كولەمى 3,7 مىڭ گەكتارعا ۇلعايدى. سونداي-اق، بيىلدان باستاپ وبلىستا العاش رەت 3 شارۋاشىلىقتا سويا 50 گەكتارگا ەگىلىپ، جاقسى ناتيجە كورسەتتى. الداعى جىلى سويا ەگىسىن 500 گەكتارعا جەتكىزۋدى جوسپارلاپ وتىرمىز،- دەدى ايماق باسشىسى.

"ۇزدىك اۋدان" نوميناتسياسىن بيىل جالاعاش اۋدانى جەڭىپ الدى. ەگىن شارۋاشىلىعى سالاسىندا جەتىستىككە جەتىپ، "وزات اۋدان" نوميناتسياسى بويىنشا شيەلى اۋدانى، ال مال شارۋاشىلىعىندا جاڭاقورعان اۋدانى وزات اتاندى. سونىمەن قاتار، اۋىل شارۋاشىلىعى ونىمدەرىن وڭدەۋدە جەتكەن جەتىستىكتەرى ءۇشىن قىزىلوردا قالاسىنىڭ اكىمى نۇرلىبەك نالىباەۆ ماراپاتتالدى.  مۇنان بولەك ايماق باسشىسى سالا ەڭبەككەرلەرىنە اۋىل شارۋاشىلىعى سالاسىنىڭ ۇزدىگى جانە ى. جاحاەۆ اتىنداعى توسبەلگىلەرىن تاپسىردى.

"التىن ءدان-2019" شاراسىندا "ماعجان ي ك" جشس ءوزىنىڭ ۇزدىك قىزمەتكەرلەرىنە 7 اۆتوكولىكتىڭ كىلتتەرىن، سونىمەن قاتار، "دوستىق-جەر" جشس 6 اۆتوكولىكتىڭ كىلتتەرىن تابىستادى. ال، "جان-اراي جەم" جشس ۇزدىك دەپ تاپقان قىزمەتكەرلەرىنە 1 ملن. تەڭگە جانە 500 مىڭنىڭ ەكى سەرتيفيكات تاپسىردى.

مەملەكەت باسشىسىنىڭ تاپسىرماسىن جۇزەگە اسىرۋدا قابىلدانعان اگروكارتا شەڭبەرىندە اۋىلشارۋاشىلىق ونىمدەرى تۇرلەرىن جانە ەكسپورت كولەمىن ۇلعايتىپ ىشكى نارىقتىڭ سۇرانىسىن قامتاماسىز ەتۋ بويىنشا جۇمىستار جۇرگىزىلۋدە. ماسەلەن، سىر ءوڭىرىنىڭ كۇرىشى مونعوليا، تۇركيا، اۋعانستانعا ەكسپورتتالىپ، سونداي-اق، يران نارىعىنا شىعارۋ دا  جوسپارلانۋدا. وزبەكستان، يران جانە بىرىككەن اراب امىرلىكتەرىنە سيىر جانە قوي، ەشكى ەكسپورتتالسا، كوكونىستەر پەن باقشا ونىمدەرى - قىتاي مەن رەسەيگە ت.ب. ەلدەرگە جىبەرىلەدى.

اگروكارتا اياسىندا cوڭعى 5 جىلدا وبلىستىڭ جالپى وڭىرلىك ونىمدەگى اۋىل شارۋاشىلىعىنىڭ ۇلەسى 2,6 پايىزدان 3,7 پايىزعا ارتقان. سونىمەن قاتار، بيىلدان باستاپ جالپى قۇنى 2 ملرد تەڭگەدەن اساتىن 20 ينۆەستيتسيالىق جوبا ىسكە اسىرىلۋدا. ۇستىمىزدەگى جىلى وبلىستا عىلىمي نەگىزدەلگەن جاڭا تەحنولوگيالار مەن يننوۆاتسيالىق جوبالاردى وندىرىسكە ەنگىزۋ ارقىلى اوك قارقىندى دامىتۋ بويىنشا 9 يننوۆاتسيالىق جوبا قولعا الىنىپ، جوعارى ءارى ساپالى ءونىم بەرەتىن كۇرىش، كارتوپ، اسقاباق، سويا، قانت قۇمايىنىڭ سورتتارى وندىرىسكە ەنگزىلدى.

سىر ديقاندارى ەگىن جيناۋ جۇمىستارىن اياقتاپ، 87,9 مىڭ گەكتار كۇرىشتىڭ ءار گەكتارىنان 60,3 تسەنتنەردەن ءونىم جيناپ، ەل قامباسىنا 530,5 مىڭ توننا سىر مارجانىن قۇيدى. ەلىمىز تاۋەلسىزدىك العالى كۇرىششىلەر جەتى جىل قاتارىنان وسىنداي جوعارى جەتىستىككە قول جەتكىزىپ كەلەدى. 2019 جىلى ەگىلگەن ەگىس كولەمىنە تولىعىمەن جوعارى رەپرودۋكتسيالى تۇقىم پايدالانىلعان. سونىمەن قاتار، اۋىل شارۋاشىلىق قۇرىلىمدارى ءوز قارجىسى ەسەبىنەن جانە «قازاگروقارجى» اق ارقىلى 6,4 ملرد. تەڭگەگە بارلىعى 229 دانا ءار ءتۇرلى اۋىل شارۋاشىلىعى تەحنيكالارىن ساتىپ العان.

بۇگىن قىزىلوردا قالاسىنىڭ 201 جىلدىعى مەن «التىن ءدان» مەرەكەسى قاتار تويلانىپ، سالتاناتتى شارا «بايگەمەن» جالعاستى.

Abai.kz