رەسپۋبليكالىق دەڭگەيدە ۇيىمداستىرىلىپ جاتقان «Qazaq Epos» اعارتۋ جوباسى «تۇلپار ءمىنىپ، تۋ العان!» بايقاۋىنىڭ قىزىلوردا وبلىسىنداعى ۇزدىكتەرى انىقتالدى، - دەپ حابارلايدى اباي-اقپارات.

اتالعان جوبانىڭ اۋداندىق ىرىكتەۋ كەزەڭى قىركۇيەك ايىنىڭ 16-25 ارالىعىندا وتكەن بولاتىن. وعان وبلىستاعى 7 اۋدان مەن قىزىلوردا قالاسىنىڭ وقۋشىلارى قاتىستى. العاشقى كەزەڭنەن سۇرىنبەي وتكەن ولار وبلىستىق بايقاۋعا جولداماعان ەدى.

اعارتۋ جوباسىنىڭ ايماقتىق كەزەڭى قىزىلوردا قالاسىناداعى اسقار توقماعامبەتوۆ اتىنداعى مادەنيەت ۇيىندە ءوتتى.

بايقاۋ قورىتىندىسى بويىنشا قازالى اۋدانىنان كەلگەن گۇلزيرا قونىسباي جەڭىپ الىپ، 1000 000 تەڭگەنىڭ سەرتيفيكاتى تابىستالدى. جەتەكشىسى گۇلفايرۋز الىشەۆا 2 000 000 تەڭگەنىڭ يەسى اتاندى. ال، ءىى ورىن يەگەرى (600 000 تەڭگە) - دايانا تولىباەۆا، جەتەكشىسى (1 200 000 تەڭگە) - مەرەكە قايناروۆا (قارماقشى اۋدانى). III ورىن يەگەرى (300 000 تەڭگە) - گاۋھار ازەن، جەتەكشىسى (600 000 تەڭگە) - جادىرا كوشەكپاەۆاعا (قازالى اۋدانى) بۇيىردى.

ايتا كەتەيىك، اتالعان بايقاۋعا قاتىسۋعا وبلىستان 3 مىڭعا تارتا وقۋشى نيەت بىلدىرگەن.

ەستەرىڭىزدە بولسا، «Qazaq Epos» رەسپۋبليكالىق اعارتۋ جوباسىنىڭ «تۇلپار ءمىنىپ، تۋ العان!» بايقاۋى ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» ماقالالارىندا قويىلعان مىندەتتەردى ىسكە اسىرۋ ماقساتىندا وتكىزىلدى.

Abai.kz