قىزىلوردادا قالا كۇنىنە وراي بىرنەشە نىسان پايدالانۋعا بەرىلدى.جاڭا نىسانداردىڭ اشىلۋىنا وبلىس اكىمى قاتىسىپ، قالا تۇرعىندارىن قۇتتىقتادى. ولار 320 ورىنعا ارنالعان «حانشايىم انا» بالاباقشاسىمەن، جالپى سانى 220 پاتەردى قۇرايتىن سول جاعالاۋىنداعى جاڭا قالادا ورنالاسقان 4  كوپقاباتتى تۇرعىن ءۇي.        

تىل جانە اۋعان سوعىسىنىڭ ارداگەرى مەن اتا اناسىنىڭ قامقورلىعىنسىز قالعان جاستار  جانە 2- توپ مۇگەدەكتەرىنە پاتەر كىلتى تابىستالدى. سوڭعى جىلدارى قالامىزدا 15 جاڭا شاعىن اۋدان بوي كوتەرىپ، 7 مىڭنان استام قىزىلوردالىق باسپانالى بولدى. سونىمەن قاتار، وسى جىلى  تۇرمىسى تومەن كوپبالالى وتباسىلاردى تۇرعىن ۇيمەن قامتاماسىز ەتۋ ءۇشىن «بالامەكەن» جوباسى اياسىندا بولات وتەمۇراتوۆتىڭ جەكە قورىنىڭ دەمەۋشىلىك قولداۋىمەن 100 وتباسى تۇرعىن ۇيمەن قامتىلعانىن بىلەسىزدەر. 

سونداي-اق، بۇگىندە سىرداريانىڭ سول جاعالاۋىندا 50 پاتەرلىك 25 تۇرعىن ءۇيدىڭ قۇرىلىسى جۇرگىزىلۋدە. 

قارجىلاندىرۋدىڭ بارلىق كوزدەرى ەسەبىنەن ەسەپتى مەرزىمدە جالپى اۋدانى 179 مىڭ 868 شارشى مەتر تۇرعىن ءۇي پايدالانۋعا بەرىلدى. بۇل كورسەتكىش وتكەن جىلمەن سالىستىرعاندا بىرنەشە ەسەگە ارتقان.

ءدال وسى كۇنى پايدالانۋعا بەرىلگەن جاڭا بالاباقشا مەملەكەتتىك  جەكەشەلىك ارىپتەستىك اياسىندا بوي كوتەرگەن. 3 قاباتتان تۇراتىن عيماراتتىڭ جالپى اۋدانى  6640 شارشى مەتر. قۇنى 874,6 ملن تەڭگە. زاماناۋي ۇلگىدە سالىنعان بالاباقشا 16 توپقا ارنالعان، ءار توپتا 20 بالادان تاربيەلەنەدى. ايماق باسشىسى ءوز سوزىندە «وسكەلەڭ ۇرپاققا سالىنعان ينۆەستيتسيا -بولاشاعىمىزدىڭ جارقىن بولۋىنىڭ كەپىلى».بۇل ماقساتتا مەملەكەتتىك-جەكەمەنشىك ارىپتەستىك باعدارلاماسى ۇلكەن ءرول اتقارۋدا. قازىرگى تاڭدا وبلىستاعى جەكەمەنشىك بالاباقشالاردىڭ ۇلەسى  72 پايىزدى قۇرايتىندىعىن اتاپ ءوتتى. 

Abai.kz