بۇگىن وبلىس اكىمى «اباي داۋلەت» سەرىكتەستىگىنىڭ كۇرىش اقتاۋ زاۋىتىنىڭ اشىلۋ سالتاناتىنا قاتىستى.ساعاتىنا 7 توننادان اساتام ءونىم وندىرەتىن زاۋىت 80 ادامدى تۇراقتى جۇمىسپەن قامتىپ وتىر.

«اباي داۋلەت» سەرىكتەستىگىنىڭ نەگىزگى قىزمەتى - كۇرىش جارماسىن وڭدەۋ مەن ونى ساتۋدى ۇيىمداستىرۋ. ودان ءارى زاۋىتتىڭ جۇمىسىن كەڭەيتۋ باعىتىندا بۇگىندە ءوز ينۆەستيتسياسىنا جاڭا تەحنولوگيامەن جابدىقتالعان قۇرال- جابدىقتار ورناتقان.

جاڭا زاۋىتتىڭ ەرەكشەلىگى – كۇرىشتى اقتاۋمەن قاتار، مال شارۋاشىلىعىدا جەمدىك ماقساتىندا پايدالانىلاتىن كۇرىش قاۋىزىن ۇنتاقتاپ، قالدىقسىز ءونىم شىعارۋعا بەيىمدەلگەن.

مەملەكەتتىك قولداۋلاردىڭ ارقاسىندا سوڭعى جىلدارى ايماق ديحاندارى كۇرىشتەن تۇراقتى جوعارى ءونىم الىپ، ەلىمىزدىڭ استىق قورىنىڭ ۇلعايۋىنا ءوز ۇلەستەرىن قوسىپ كەلەدى. بيىلعى جىلى وبلىس بويىنشا 88 مىڭ گەكتار كۇرىش ەگىلىپ، كۇتىمگە الىنعان بولاتىن. قازىرگى تاڭدا بارلىق اۋدانداردا سىر مارجانىن جيناۋ ناۋقانى قىزۋ جۇرۋدە،- دەدى قۋانىشبەك دوسمايىلۇلى.

«اباي داۋلەت» سەرىكتەستىگى كۇرىشتى ساپالى وندەپ، ءونىمىن ىشكى نارىققا دا، الىس-جاقىن شەتەلگە وتكىزۋدە دە تاجىريبەسى ءىرى كومپانيا. ولاردىڭ ونىمدەرى ساپا مەنەدجمەنتى تالاپتارىنا تولىق سايكەس كەلەدى. وعان دالەل بۇگىندە سىر سالىسىن رەسەي، وزبەكستان، موڭعوليا، ۋكراينا جانە تاجىكستان ەلدەرىنە ەكسپورتتاپ وتىر.

ايماق باسشىسى وبلىستىڭ كۇرىش شارۋاشىلىعى سالاسى تاعى ءبىر زاماناۋي ءوندىرىس وشاعىمەن تولىعىپ وتىرعاندىعىن، بۇل ءوز كەزەگىندە، ءوڭىردىڭ ازىق-تۇلىك قاۋىپسىزدىگى مەن الەۋمەتتىك-ەكونوميكالىق دامۋىنا، جاڭا جۇمىس ورىندارى مەن سالىق بازاسىنىڭ نىعايۋىنا ءوز سەپتىگىن تيگىزەتىندىگىن اتاپ ءوتتى.

Abai.kz