قىزىلوردا قالاسىندا رەسپۋبليكالىق «ۇلى ونەرتاپقىشتىققا العاشقى قادام» اتتى يننوۆاتسيالىق يدەيالاردىڭ بايقاۋىنىڭ وبلىستىق كەزەڭى ءوتتى.

اتالمىش بايقاۋ تۇڭعىش پرەزيدەنت - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ «سانانىڭ اشىقتىعى» بازالىق باعىتى اياسىندا قولعا الىنىپ وتىر.

ونى قىزىلوردا وبلىسىنىڭ ءبىلىم باسقارماسىنىڭ «دارىن» وبلىستىق قوسىمشا ءبىلىم بەرۋ ورتالىعى ۇيىمداستىردى. يننوۆاتسيالىق يدەيالار بايقاۋى قىزىلوردا قالاسىنداعى سىرداريا وزەنىنىڭ سول جاعالاۋىندا ورنالاسقان جاستار ورتالىعىنىڭ ءماجىلىس زالىندا وتكىزىلدى. شارانىڭ نەگىزگى ماقساتى - وقۋشىلارعا عىلىم مەن تەحنيكانىڭ ونەرتاپقىشتىق، زەرتتەۋ جۇمىستارىنا تارتۋ، تالانتتى بالالارعا قولداۋ كورسەتىپ، ولاردىڭ شىعارماشىلىق قۇزىرەتتىلىگىندە باسەكەلەستىك ارتىقشىلىقتارىن قالىپتاستىرۋ.

«بايقاۋعا قاتىسۋشىلار اۆتوكولىك، ءوندىرىس، اۋىل شارۋاشىلىعى، اسكەري تەحنيكا، سۋ كولىگى، قۇرىلىس، جىلۋ-ەلەكتر ەنەرگەتيكاسى، اۆياتسيا جانە كوسموناۆتيكا باعىتتارىنداعى جوبالارىن تانىستىردى. ءبىلىم الۋشىلاردى ونەرتاپقىشتىق، زەرتتەۋ جۇمىستارىنا تارتىپ، تالانتتى بالالارعا قولداۋ كورسەتۋ ماقساتىندا وتكەن بايقاۋعا اۋداندىق، قالالىق ءبىلىم بولىمدەرىنەن جانە وبلىستىق مەكەمەلەردەن 70 وقۋشى قاتىستى»، - ءداپ ءمالىم ەتتى «رۋحاني جاڭعىرۋ» ورتالىعىنىڭ ماماندارى.

جەڭىمپازدار وبلىستىق ءبىلىم باسقارماسىنىڭ ديپلومدارى جانە باعالى سىيلىقتارمەن ماراپاتتالدى. وبلىستىق كەزەڭ جەڭىمپازدارى 30-31 قازاندا الماتى وبلىسىنىڭ ورتالىعى - تالدىقورعان قالاسىندا وتەتىن قورىتىندى كەزەڭگە جولداما الدى.

Abai.kz