قىزىلوردا وبلىسىنىڭ شيەلى اۋدانىندا 1200 باسقا ارنالعان تاۋارلى ءسۇت فەرماسى سالىنىپ جاتىر، - دەپ حابارلايدى اباي-اقپارات.

سونىمەن قاتار 20 گەكتاردى اۋماقتى قۇرايتىن كەشەننىڭ جانىنان ءسۇت وڭدەۋ زاۋىتىن اشۋ جوسپارلانىپ وتىر. الداعى ۋاقىتتا اتالعان كاسىپورىن جۇمىسىن باستاعاندا تاۋلىگىنە 24 توننا دايىن ءونىم شىعارۋى ءتيىس. جوبانىڭ جالپى قۇنى 2,5 ميللارد تەڭگەنى قۇرايدى.

- وزدەرىڭىز بىلەسىزدەر ەلباسىنىڭ الداعى 5 جىلدىڭ كولەمىندە ءبىزدىڭ اۋىلشارۋاشىلىعىندا ەڭبەك ونىمدىلىگىن 2,5 ەسە ارتتىرۋ جونىندە تاپسىرماسىنا سايكەس قايتا وڭدەۋگە ۇلكەن بەتبۇرىستار جاسالىپ جاتىر. شيەلى اۋدانىندا قازىر 3 شاعىن ءسۇت وڭدەۋ تسەحتارى جۇمىس ىستەيدى. قازىر ءسۇت ونىمدەرىن وڭدەپ جاتىرمىز. بۇل ءارى قاراي جالعاسىن تاباتىن بولادى، - دەيدى شيەلى اۋدانىنىڭ اكىمى ءاشىم ورازبەكۇلى.

ىرگەلى كاسىپورىن ىسكە قوسىلعاندا قوسىمشا جاڭادان جۇمىس ورىندارى اشىلىپ، ءوڭىردىڭ ازىق-تۇلىك قاۋىپسىزدىگىن قامتاماسىز ەتۋگە مۇمكىندىك بەرمەك.

Abai.kz