بەيسەنبى, 23 مامىر 2024
6448 1 پىكىر 21 قىركۇيەك, 2019 ساعات 13:21

«قورقىت اتا» كىتابىنىڭ ءۇشىنشى نۇسقاسى تابىلدى

يراندىق قازاق ۋاليمۇحامەد قوجا «قورقىت اتا» كىتابىنىڭ جاڭا جازباسى تابىلعانىن جەتكىزدى، - دەپ حابارلايدى اباي-اقپارات «سىر بويى» گازەتىنە سىلتەمە جاساپ.

سىر وڭىرىندە وتكەن تۇركىتىلدەس ەلدەردىڭ ونەر فەستيۆالىنە كەلگەن ول «قورقىت اتا» كىتابى كەزدەيسوق قولىنا تيگەنىن ايتادى.

– ءبىر جىلدارى ءتۇس كوردىم. تۇسىمدە قورقىت اتا قولىمنان ۇستاپ، جوعارى شىعاردى. بۇل قالاي بولعانى دەپ تاڭىرقاپ قالدىم. ارادا ەكى-ءۇش اي وتكەن سوڭ ادەتتەگىدەي يراننىڭ استاناسى تەگەرانعا بارىپ، ەسكى كىتاپتار ساتىپ الدىم. كەيىننەن سۋ الۋ ءۇشىن ءبىر دۇكەنگە كىرگەنىم سول ەدى، ءبىر ادام ماتاعا ورالعان ءبىر كىتاپتى كورسەتىپ، ساتامىن دەدى. قاراسام، كىتاپتىڭ ءماتىنى ادەمى جازىلعان. بىردەن-اق باسىلعان كىتاپتى المايتىنىمدى، تەك قولجازبا جينايتىنىمدى ايتتىم. ءبىر كەزدە دۇكەنشى دە كەلىپ، الگى كىتاپتى ۇستاپ كورگەن سوڭ، «مىنا جازبانى ءتۇسىنىپ بولمايدى ەكەنسىڭ، العانىڭ دۇرىس. بۇل – قولجازبا كىتاپ» دەدى. سونىمەن الگى جەردە كىتاپتى بار بولعانى 35 تۇمەنگە (300-400 تەڭگە شاماسىندا) ساتىپ الدىم. ال سودان كەيىن كونە تىلدەردى تۇسىنەدى-اۋ دەگەن ادامدارعا الگى كىتاپتىڭ كوشىرمەسىن جىبەردىم. ارادا سەگىز ايداي ۋاقىت ءوتتى، حابار جوق. كەيىننەن تۇركياداعى ءبىلىمدى دوسىما جىبەردىم، ول عالىم سەما بارۋتچۋعا كورسەتەتىنىن ايتتى. سەما بارۋتچۋ مۇنىڭ قۇنى جوعارى، وتە ماڭىزدى قولجازبا ەكەنىن جەتكىزدى. قۋانعانىم سونشالىق ءوزىم بىلەتىن بىرنەشە ءبىلىمدى ادامدارعا تاعى حابارلاستىم. وسىدان كەيىن-اق تۇركيا، امەريكا سەكىلدى ەلدەردەن 8 ادام بىرىنەن كەيىن ءبىرى تۇركىستاننان، كەيبىرى ازەربايجاننان «قورقىت اتانىڭ كىتابىن تاپتىق» دەپ گازەت-جۋرنالدارعا شىعا باستادى،- دەيدى ول «سىر بويى» گازەتىنە بەرگەن سۇحباتىندا.

ايتا كەتەيىك، بۇعان دەيىن تابىلعان قورقىت اتا كىتابىنىڭ ەكى نۇسقاسى بار. ءبىرى گەرمانياداعى درەزدەندە بولسا، ءبىرى يتالياداعى ۆاتيكاندا ساقتالعان. درەزدەن نۇسقاسىندا 12 سيۋجەت، ۆاتيكان نۇسقاسىندا سونىڭ التاۋى بار.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2274
ادەبيەت

«سولاي ەمەس پە؟»

عابباس قابىشۇلى 2626
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2658
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1718