دۇيسەنبى, 25 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4352. قايتىس بولعاندار — 35
انە، كوردىڭ بە؟ 1994 13 پىكىر 3 قىركۇيەك, 2019 ساعات 12:16

قازاقتىڭ دىنسىزدەنۋىن كوممۋنيستەر ءوز پايداسىنا شەشىپ وتىر

بۇل قاۋىپتى ءۇردىس. ءيا، كەڭەس ۇكىمەتىمەن بىرگە دىنسىزدىك تە كەلمەسكە كەتتى دەگەن اكسيوما ەل اراسىندا بەرىك ورىنىقتى. شىنىمەن سولاي ما؟

«VKontakte» الەۋمەتتىك جەلىسىندە «سووبششەستۆو اتەيستوۆ كازاحستانا» دەپ اتالاتىن توپ بار. وندا ورىس ءتىلدى وتانداستارىمىز ءوزارا ءىس-تاجىريبەسىمەن ءبولىسىپ، ءومىر تاريحتارىن ورتاعا سالىپ، بەينەباياندار جاريالايدى.

ءيا، بىلەمىز. قازاق بيلىگىندە قارجى مينيسترلىگىن باسقارعان ناتاليا كورجوۆا، گەنەرال بۋلات باەكەنوۆ سىندى اتەيستەردىڭ بولعانىنان دا حاباردارمىز. ءتىپتى، جۇماتاي اليەۆ سىندى ءماجىلىس دەپۋتاتى بولعان قانداسىمىز كەزىندە «اتەيزم كۋرسىن جوعارعى وقۋ ورىندارىندا وقىتۋ كەرەك» دەپ ەلدى دۇرلىكتىرگەنى دە بار-تىن. جۇمەكەڭ وسى پىكىرىنەن ءالى دە اينىماي كەلەدى. ال، پارلامەنت ءماجىلىسىنىڭ قازىرگى دەپۋتاتى، كوممۋنيست ۆلاديسلاۆ كوسارەۆ بولسا، ودان دا ارىعا كەتىپ: «اتەزيم – نە نوۆايا رەليگيا. ۆ ناشەي پروگراممە چەتكو سكازانو: «كوممۋنيستى ۆىستۋپايۋت زا پريزنانيە سۆوبودى سوۆەستي، پراۆو يسپوۆەدوۆات ليۋبۋيۋ رەليگيۋ يلي نە يسپوۆەدوۆات نيكاكوي، زا وتدەلەنيە تسەركۆي ي مەچەتي وت گوسۋدارستۆا، ا شكولى وت تسەركۆي ي مەچەتي. پري ەتوم كوممۋنيستى ۆەدۋت شيروكۋيۋ اتەيستيچەسكۋيۋ پروپاگاندۋ، يزبەگايا ۋنيجەني ي وسكوربلەنيا چۋۆستۆ ۆەرۋيۋششيح ۆ ليۋبوي فورمە»، – دەپ كەڭىنەن كوسىلەدى.

ءدىن ىستەرى بويىنشا كوميتەتتىڭ عىلىمي-زەرتتەۋ جانە ساراپتاۋ ورتالىعىنىڭ ديرەكتورى اينۇر ابدىراسىلقىزى «بۇدان ون جىل بۇرىن اتەيستەر ەلىمىزدە 6%-دى قۇراسا، قازىر ولاردىڭ قاراسى ءۇش ەسەگە ءوسىپ، 2019 جىلى 18,8%-عا جەتىپ وتىر»، دەيدى.

ءتۇيىن. الاش بالاسىنىڭ قاسيەتتى قۇران كارىمدى تارىك ەتىپ، يسلامنان بەزىنۋى قوعامعا وي سالارلىق دۇنيە. ەل-جۇرت بولىپ بۇل ىندەتتىڭ الدىن الۋدىڭ جولىن قاراستىرعانىمىز ءجون-اق. ايتپەسە، باتىستىڭ ءتول دىنىنەن تۇڭىلۋشىلىگى ءبىزدى دە جايلاپ الاتىنى حاق.

ءدىن ىستەرى بويىنشا كوميتەتتىڭ الەۋمەتتىك-ساياسي زەرتتەۋلەر ءبولىمىنىڭ جەتەكشىسى الۋا جولدىبالينا «يسلام مەن پروۆاسلاۆيەنى ۇستانعان وتانداستارىمىزدىڭ 75%-دان استامى ءدىندى شالا-شارپى ۇستايتىنىن جوققا شىعارمايدى», دەيدى.

دىننەن قادىر كەتكەنى، ۇلتتىڭ يمانىنىڭ ادالانعانى. وسىنى كوممۋنيستەر ءوز پايداسىنا جاراتىپ وتىر. بۇعان جابىلا توسقاۋىل قوياتىن كەزى جەتكەن سياقتى. بۇل قاۋىپتى ءۇردىس!

ءابىل-سەرىك الىاكبار

Abai.kz

13 پىكىر