سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1990
684 0 پىكىر 5 تامىز, 2019 ساعات 19:40

«Birge – TazaQazaqstan» ەكولوگيالىق اكتسياسى قىزىلوردادا كۇزگە دەيىن جالعاسادى

2019 جىلى 20 شىلدەدە قر ۇكىمەتىنىڭ باسشىسى اسقار ءماميننىڭ باستاماسىمەن قولعا الىنعان «Birge - Taza Qazaqstan» ەكولوگيالىق اكتسياسى قىزىلوردا وبلىسىندا ءار اپتا سايىن وتكىزىلىپ كەلەدى.

وبلىس باسشىلارىنىڭ ايتۋىنشا، «Birge – TazaQazaqstan» ەكولوگيالىق اكتسياسى قىزىلوردا وبلىسىندا كۇز مەزگىلىنە دەيىن جالعاساتىن بولادى.

بۇگىن قىزىلوردا قالاسىندا وتكەن ەكولوگيالىق اكتسياعا وبلىس اكىمى قۋانىشبەك ىسقاقوۆ قاتىستى. ەستەرىڭىزگە سالايىق، العاشقىلاردىڭ ءبىرى بولىپ اكتسياعا قىزىلوردا وبلىسى قولداۋ بىلدىرگەن بولاتىن. سىر وڭىرىندەگى ەكولوگيالىق اكتسيا ارال اۋدانىنداعى كوكارال بوگەتىنىڭ جانىن تازارتۋدان باستالدى.

اۋدانعا ارنايى ساپارمەن بارعان اوبلىس اكىمى قۋانىشبەك ىسقاقوۆ ەستافەتانى ءوڭىردىڭ بارلىق اۋداندارى مەن ەلدى مەكەندەرىنە جولداعان ەدى. بۇگىنگى اكتسياعا وبلىستىق مەكەمەلەر، جاستار جانە ۇكىمەتتىك ەمەس ۇيىم وكىلدەرى قاتىستى. وبلىس ورتالىعىندا سىرداريا وزەنىنىڭ جاعالاۋىنان قۇتقارۋ مەكەمەسى ارالىعىنداعى اۋماق قوقىستان تازارتىلدى. بۇل اۋماقتىڭ جالپى ۇزىندىعى 8 شاقىرىمعا جۋىقتايدى. اكتسياعا 7 مىڭعا جۋىق ادام اتسالىستى. اكتسيانى ءار سەنبى سايىن كۇز ايىنا دەيىن جالعاستىرۋ جوسپارلانۋدا. شارا اياسىندا قاتىسۋشىلار تاراپىنان جاقىن ماڭدا ورنالاسقان تۇرعىن ءۇي يەلەرىنە قوقىستاردى بەي-بەرەكەت تاستاماۋ جونىندە تۇسىندىرمە جۇمىستارى دا جۇرگىزىلىپ جاتىر.

Abai.kz

0 پىكىر