قىزىلوردا وبلىسىندا 2026 جىلعا دەيىن 81 ملرد تەڭگەگە 107 نىساننىڭ قۇرىلىسىن سالۋ مەن جوندەۋ جۇمىستارى جۇرگىزۋ جوسپارلانىپ وتىر، - دەپ حابارلايدى اباي-اقپارات.

وسى جىلى وڭىرلىك پەرسپەكتيۆالىق جوسپار شەڭبەرىندە 8,3 ملرد تەڭگەگە ينۆەستيتسيا تارتۋعا 21 جوبانى ىسكە اسىرۋ كوزدەلىپ وتىر.

– ونىڭ ىشىندە، جالپى قۇنى 9,4 ملرد. تەڭگەنى قۇرايتىن ەكى اۋداندىق اۋرۋحانا، 17 العاشقى مەديتسينالىق كومەك نىساندارى بار. مەملەكەتتىك جەكەشەلىك ارىپتەستىك اياسىندا، قۇنى 1,1 ملرد. تەڭگەگە قۇرايتىن، ەكى ءىرى مەديتسينالىق قۇرال-جابدىق ساتىپ الىنۋدا. ولار وبلىستىق كوپبەيىندى اۋرۋحاناسىنا جانە قازالى اۋدانارالىق اۋرۋحانالارىنا قويىلعان انگيوگرافيالىق قوندىرعىلار. بۇل قوندىرعىلاردىڭ كومەگىمەن جۇرەك-قان تامىرلارى اۋرۋلارىنىڭ الدىن الۋعا، دەر كەزىندە مەديتسينالىق كومەك الۋعا جاعداي تۋعىزۋ، - دەدى وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ.

قازىرگى كۇنى رەسپۋبليكالىق بيۋدجەت ەسەبىنەن اپاتتىق جاعدايداعى 1 اۋدانارالىق اۋرۋحانا جانە شيەلى اۋداندىق اۋرۋحاناسى جىل اياعىنا دەيىن پايدالانۋعا بەرىلمەك. باسقارما باسشىسى قاناينالىم جۇيەسى اۋرۋىنان ءولىم-ءجىتىمدى تومەندەتۋ ماقساتىندا قازالى اۋدانارالىق اۋرۋحانا بازاسىندا كارديولوگيالىق ورتالىقتى قىركۇيەك ايىندا ىسكە قوسۋ جوسپارلانىپ جاتقانىن جەتكىزدى.

سونداي-اق، ول قىزىلوردالىقتاردىڭ ءومىر ءسۇرۋ جاسىنىڭ وسكەنىن ايتتى.

Abai.kz