ەلىمىزدىڭ استاناسىنداعى LRت-نىڭ (رەلستى جەڭىل تەمىر جول) قۇرىلىسى اسا قىمباتقا تۇسۋىنە بايلانىستى ول قالىڭ كوپشىلىكتىڭ نارازىلىعىن تۋعىزعان بولاتىن. بۇل جونىندە كوپتەگەن سىن-ەسكەرتپەلەر ايتىلىپ جاتىر.

پرەزيدەنتىمىز ق.توقاەۆتىڭ ناقتى تاپسىرماسىنان كەيىن حالىق نارازىلىعى ەسكەرىلىپ، بۇل ماسەلەگە نۇكتە قويىلعان سياق.تى ەدى.

وكىنىشكە قاراي، استانامىزدىڭ اكىمىنىڭ «استانا اقشامى» (.01.08.2019ج.) گازەتىندە جاريالانعان حابارلاماسىنان كەيىن ءبىز كوپشىلىككە مىنا تومەندەگىدەي مالىمدەمە جاساۋعا ءماجبۇرمىز:

1. «LRت-استانا» جوباسىن بار بولعانى 150,0 ملرد.تەڭگەدەن اسپايتىن قارجىعا تولىعىمەن ءبىتىرىپ بەرۋگە دايىن، تەحنيكالىق جاعىنان وتە ساۋاتتى ءبىر توپ ينجەنەرلەر مەن مەندجەرلەر بار.

2. ۇنەمدەلەتىن 420,0 ملرد،تەڭگەنى 1,0 ملن.گەكتار سۋارمالى جەردى ىسكە قوسۋعا جۇمساۋدى ۇسىنامىز.

قالا اكىمىنىڭ حابارىنا سايكەس، شىعىنداردى ىقشامداعاننان كەيىنگى LRت قۇرىلىسىنا كەرەك قارجى 1,5 ملدر.دوللار نەمەسە 576,0 ملرد.تەڭگەنى قۇراپ وتىر.

1ملن.گەكتار سۋارمالى جەردەن جىلىنا 3,0 ملرد.دوللارعا جۋىق اۋىل شارۋاشىلىق ءونىمىن وندىرۋگە بولادى. ستاتيستيكالىق مالىمەتتەرگە سايكەس اۋىل شارۋاشىلىق سالاسىنداعى سالىقتىق جۇكتەمە 4% مولشەرىندە. ولاي بولسا بۇل جىل سايىن بيۋدجەتكە 120,0 ملن.دوللار نەمەسە 45,6 ملرد.تەڭگە قوسىمششا قارجى ءتۇسىپ وتىرادى دەگەن ءسسوز. بۇل قارجىنى كوپ بالالى انالاردى ماتەريالدىق قولداۋعا پايدالانۋعا بولادى دەپ ويلايمىز. اينالىمعا قوسىلاتىن 1 ملن.گەكتار سۋارمالى جەر 100,0 مىڭعا جۋىق تۇراقتى جۇمىس ورنىن قامتاسىز ەتەدى. ادام باسىنا شاققاندا 40,0 مىڭ دوللاردىڭ ءونىمى وندىرىلەدى دەگەن ءسوز.

ۇكىمەت جانە نۇر-سۇلتان قالاسىنىڭ اكىمشىلىگى بيۋدجەت قارجىسىن ءتيىمدى پايدالانۋ جونىندەگى ۇسىنىسىمىزعا قىزىعۋشىلىق تانىتادى دەگەن سەنىمدەمىز.

يسلام ءابىش

باستاماشىل توپتىڭ جەتەكشىسى

Abai.kz