دۇيسەنبى, 30 قاراشا 2020
COVID-19 قازاقستاندا. جۇقتىرعاندار — 130865. جازىلعاندار — 116187. قايتىس بولعاندار — 1990
1501 8 پىكىر 2 تامىز, 2019 ساعات 14:17

اقش پەن رەسەيدىڭ زىمىرانعا قاتىستى كەلىسىمى توقتادى

اقش پەن رەسەي 2 تامىزدا وسىدان 31 جىل بۇرىن قابىلدانعان يادرولىق كەلىسىمنەن رەسمي تۇردە شىعادى.

قىسقا جانە ورتا قاشىقتىققا ارنالعان زىمىرانداردى جويۋ تۋرالى ەكىجاقتى كەلىسىم اقش پەن سوۆەت وداعىنا ارەكەت ەتۋ راديۋسى 500-5500 شاقىرىم ارالىعىنداعى قۇرلىقتاعى قاناتتى بالليستيكالىق زىمىران جاساۋعا تىيىم سالعان. كەلىسىمگە اقش پرەزيدەنتى رونالد رەيگان مەن سوۆەت وداعىنىڭ باسشىسى ميحايل گورباچەۆ 1987 جىلى قول قويعان. قۇجات 1988 جىلى كۇشىنە ەنگەن.

ساراپشىلار بۇل كەلىسىمنىڭ توقتاۋى اقش پەن رەسەي اراسىندا قارۋ باقتالاسىن كۇشەيتەدى دەپ ەسەپتەيدى.

بۇۇ باس حاتشىسى انتونيو گۋتەرريش كەلىسىم توقتاعان سوڭ الەم "يادرولىق سوعىستان ساقتانۋ قۇرالىنان ايرىلادى" دەپ مالىمدەدى.

اقش پەن ناتو وكىلدەرى رەسەيدى اتالعان قۇجات شارتتارىن بۇزدى دەپ تالاي رەت ايىپتاعان.

Abai.kz

8 پىكىر