قاسىم-جومارت توقاەۆ قازاقستاندىق كاسىپكەر داۋرەن رامانقۇلدىڭ تىككەن اياق كيىمىن ساتىپ العانىن ايتتى. ول تۋرالى پرەزيدەنتتىڭ تۆيتتەر الەۋمەتتىك جەلىسىندە جازىلعان.

داۋرەن رامانقۇل  - اياق كيىم فابريكاسىنىڭ تەڭ قۇرىلتايشىسى جانە باسقارۋشى ديرەكتورى. ونىڭ فابريكاسى الماتىدا ورنالاسقان. كاسىپكەر ءوز ونىمدەرىنە پرەزيدەنتتىڭ قىزىعۋشىلىق تانىتقانى كۇتپەگەن جاعداي ەكەنىن ايتتى.

داۋرەن رامانقۇل:

-«ايقىن» گازەتىندە ءبىزدىڭ اياق كيىم تۋرالى ماقالا شىقتى. مەملەكەت باسشىسىنىڭ ءباسپاسوز حاتشىسى بەرىك ءۋالي قوڭىراۋ شالىپ، قاسىم-جومارت توقاەۆ بۇل ماقالانى وقىعانىن جانە ءبىزدىڭ اياق-كيىمىمىزدى العىسى كەلەتىنىن ايتتى. وعان گازەتتەگى ءبىزدىڭ اياق كيىمدەردىڭ سۋرەتتەرى ۇنادى . بىرنەشە اياق كيىم مودەلدەرىنىڭ سۋرەتتەرى ءباسپاسوز حاتشىسىنا جىبەرىلدى. پرەزيدەنت قارا قوڭىر اياق كيىمدى تاڭدادى.

داۋرەننىڭ ايتۋىنشا، پرەزيدەنتكە اياق كيىمدى قازپوشتا ارقىلى جىبەرگەن.

«ءبىز اياق كيىمدى قازپوشتا ارقىلى جىبەردىك، ول تولەدى. باعاسى - 21 مىڭ تەڭگە، اياق-كيىمنىڭ ولشەمى - 43. ول قارا قوڭىر ءتۇستى اياق كيىمدى ساتىپ الدى. بىزدە شىنايى بىلعارى اياق كيىمدەر  تىگىلەدى»، - دەيدى كاسىپكەر.

وندىرۋشىگە ءتورت جۇپقا تاپسىرىس بەرىلدى: ءبىر جۇپ - قاسىم-جومارت توقاەۆقا، ەكىنشىسى ءباسپاسوز حاتشىسىنا، قالعان ەكەۋى پرەزيدەنت اكىمشىلىگىنىڭ قىزمەتكەرلەرىنە تاپسىرىس بەرىلگەن.

سونداي-اق، كاسىپكەر پرەزيدەنت اكىمشىلىگى قىزمەتكەرلەرىنىڭ قانداي اياق كيىم تاڭداعانىن كورسەتتى.

ايتا كەتەيىك، داۋرەن رامانقۇلدىڭ فابريكاسى 2016 جىلى قۇرىلعان.

ال، پرەزيدەنت الەۋمەتتىك جەلىدەگى پاراقشاسىندا داۋرەن تۋرالى ايتىپ، جالپى، قازاقستاندىقتاردى بيزنەسپەن اينالىسۋعا شاقىردى.

ەستەرىڭىزدە بولسا، 2019 جىلدىڭ ناۋرىزىندا پرەمەر-مينيستر اسقار مامين شىمكەنتتەگى ارنايى ەكونوميكالىق ايماققا بارعان كەزدە قازاقستاندا جاسالعان جاسالعان اياق كيىم ساتىپ العان بولاتىن. ول 12 مىڭ تەڭگەگە باعالانعان.

Abai.kz