قىزىلوردا وبلىسىنىڭ اكىمى قۋانىشبەك ىسقاقوۆ ارال اۋدانىنا جۇمىس ساپارى بارىسىندا اقلاق جانە كوكارال سۋ توسپالارىنىڭ جۇمىسىمەن تانىسىپ، بالىق وڭدەۋ كاسىپورىندارىنىڭ قىزمەتكەرلەرىمەن كەزدەستى.

اقلاق سۋ توسپاسى 2006 جىلى پايدالانۋعا بەرىلگەن بولاتىن، قازىرگى تاڭدا سۋ توسپاسى سىرداريا وزەنىنەن كەلىپ جاتقان سۋدى اقلاق سۋ توسپاسىنا دەيىنگى ورنالاسقان كولدەرگە، شابىندىقتارعا، كانالدار ارقىلى جىبەرۋ ءۇشىن پايدالانۋدا.

كوكارال سۋ توسپاسى 2005 جىلدىڭ قاراشا ايىندا پايدالانۋعا بەرىلدى. سۋ توسپاسىن سالۋ ناتيجەسىندە تەڭىزدىڭ قۇرعاعان ۇلتانىنىڭ اۋدانى 870 شارشى مەتردى قۇرايتىن سۋمەن جابىلدى، تەڭىزدەگى سۋدىڭ كولەمى 11,5 تەكشە مەترگە ۇلعايدى، ال سۋدىڭ مينەرالدىلىعى 23-تەن 17 گ/ل دەيىن ازايدى;

بۇگىنگى تاڭدا تەڭىزدە 24 بالىق ءتۇرى كەزدەسەدى، ونىڭ ىشىندە 13 بالىق ءتۇرى جاقىن جانە الىس شەتەلدەرگە ەكسپورتتالۋدا.

وتكەن جىلدىڭ سوڭىندا اتالمىش ءونىم تۇرلەرى قىتايعا ەكسپورتتالا باستادى.

سونىمەن قاتار، وڭىردە جىلدىق قۋاتى 11 مىڭ توننادان اساتىن 8 بالىق وڭدەۋ زاۋىتى تۇراقتى جۇمىس ىستەپ تۇر. ونىڭ ىشىندە 2 زاۋىت ەۆروكودقا يە بولدى. بۇگىن پايدالانۋعا بەرىلگەن "جالعاسباي" جشس زاۋىتى - ايماقتاعى  9-بالىق وڭدەيتىن كاسىپورىن. ايتا كەتۋ كەرەك، سوڭعى بەس جىلدا وڭىردەگى بالىق ەكسپورتىنىڭ كولەمى 9 ەسەگە ارتتى. وبلىس بالىق ءوندىرۋ جانە وڭدەۋ كولەمى بويىنشا 3-ورىن الادى.

ەستەرىڭىزگە سالا كەتەيىك، قىزىلوردا وبلىسىنىڭ 2019-2022 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىندا ەكولوگيا جانە تابيعاتتى پايدالانۋ سالاسىنداعى بىرقاتار جوبالاردى جۇزەگە اسىرۋ، سونىڭ ىشىندە كوكارال بوگەتىن ساقتاۋ جانە سىرداريا وزەنىنىڭ ارناسىن قالپىنا كەلتىرۋ جونىندەگى ءىس-شارالار دا قاراستىرىلعان.

سونداي-اق، كەشەندى جوسپار اياسىندا قىزىلوردا سۋ تورابىن جوندەۋ كوزدەلگەن. سونىڭ ناتيجەسىندە ونىڭ اپاتتىلىق پروبلەماسى شەشىلەدى. اتالمىش جوسپار اياسىندا "كۇمىسكەتكەن" مەن "قاراوزەك" سۋ قويمالارىنىڭ دا قۇرىلىسى جۇرگىزىلەتىن بولادى.

Abai.kz