ورتالىق كوممۋنيكاتسيالار قىزمەتى الىڭىندا قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ توراعاسى ەرجان نۇكەجانوۆ پەن قازاقستان مۇسىلماندارى ءدىني باسقارماسى توراعاسىنىڭ ءبىرىنشى ورىنباسارى نايب ءمۇفتي ناۋرىزباي ۋتپەنوۆتىڭ قاتىسۋىمەن قازاقستاندىق مۇسىلمانداردىڭ ساۋد ارابياسى كورولدىگىنە قاجىلىققا اتتانۋى جونىندە بريفينگ وتكىزىلدى.

ءدىن ىستەرى كوميتەتىنىڭ توراعاسى ە.نۇكەجانوۆ مينيسترلىكتىڭ مەملەكەتتىك ورگاندارمەن جانە قازاقستان مۇسىلماندارى ءدىني باسقارماسىمەن بىرگە قاجىلىقتى ساپالى ۇيىمداستىرۋ ءۇشىن جۇرگىزىلگەن نەگىزگى ءىس-شارالارعا توقتالدى.

ونىڭ اقپاراتى بويىنشا، 2019 جىلعى 31 شىلدەدەن 20 تامىزعا دەيىنگى كەزەڭدە بولىنگەن كۆوتا بويىنشا (2018 جىلى - 3000 ادام) 3200 قازاقستاندىق ازامات قاجىلىققا بارادى. ساۋد ارابيا كورولدىگىنە قاجىلاردى ەكى اۋەكومپانيا – وتاندىق «Scat» جانە ساۋد ارابيالىق «FlyNas» كومپانيالارى تاسىمالدايدى. ءبىرىنشى رەيستى اقتاۋ جانە شىمكەنت قالالارىنان جونەلتۋ جوسپارلانعان.

قاجىلىق ورىنداعىسى كەلەتىندەر ءۇشىن ايماقتاردا جۇقپالى اۋرۋلارعا، ونىڭ ىشىندە مەنينگيتكە قارسى ۆاكتسيناتسيا جۇرگىزۋ شارالارى تۋرالى جەكە ايتىلعان.

قازاقستان رەسپۋبليكاسى مۇسىلماندارى ءدىني باسقارماسى توراعاسىنىڭ ءبىرىنشى ورىنباسارى ناۋرىزباي ۋتپەنوۆ مەككەگە قاجىلىقتىڭ يسلامنىڭ بەس باعاناسىنىڭ، جالپى يسلام ءدىنىنىڭ نەگىزدەرىنىڭ ءبىرى بولىپ تابىلاتىن ايتتى.

ونىڭ ايتۋىنشا، رەسپۋبليكادا اۋداندىق، قالالىق جانە وبلىستىق دەڭگەيدەگى 530 مەشىتتە قاجىلىقتىڭ ماقساتى مەن ءتارتىبىن ءتۇسىندىرۋ بويىنشا وقۋ سەمينارلارى وتكىزىلۋدە. قاجىلارعا 12 ادامنان تۇراتىن قاجىلىق ميسسيا، ونىڭ ىشىندە نايب ءمۇفتيدىڭ جەتەكشىلىگىمەن 8 قمدب وكىلدەرى، اقدم ءدىن ىستەرى كوميتەتىنىڭ وكىلى مەن 3 دارىگەر  كومەك كورسەتەتىن بولادى.

Abai.kz