پرەمەر-ءمينيستردىڭ ورىنباسارى گۇلشارا ابدىقالىقوۆا اباي قۇنانبايۇلىنىڭ 175 جىلدىق مەرەيتويىنا وراي جالعاسىپ جاتقان «اباي ولەڭدەرىن جاتقا وقۋ» ەستافەتاسىن جالعاستىردى.

"قر مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆادان ۇلى اقىن، دانا ويشىل، اعارتۋشى ابايدىڭ 175 جىلدىق مەرەيتويىنا وراي باستالعان چەللەندجدى قۇرمەتپەن قابىل الدىم. ۇلى ابايدىڭ شىعارمالارى ىشىندە شوقتىعى بيىك تۋىندىلارى - ونىڭ "قارا سوزدەرى. 19-قارا سوزىنە توقتالسام", - دەگەن ابدىقالىقوۆا ۇلى اقىننىڭ قارا سوزىنەن ءۇزىندى وقىدى.

پرەمەر-ءمينيستردىڭ ورىنباسارى چەللەندجدى جالعاستىرۋعا قازاقستاننىڭ ەڭبەك ەرى، حالىق جازۋشىسى ولجاس سۇلەيمەنوۆتى، "زەرەن-2019" جازعى لاگەرىنىڭ جاڭاشىل بەلسەندى جاستارىن شاقىردى.

«اباي ولەڭدەرىن جاتقا وقۋ» ەستافەتاسىنىڭ كەڭ كولەمدە جالعاسۋىنا 9 جاستاعى مەكتەپ وقۋشىسى ءلايلىم-شىراق ەرلانقىزى تۇرتكى بولدى. ول ۇلى اقىننىڭ ولەڭىن وقىپ، ونى پرەزيدەنت قاسىم-جومارت توقاەۆقا جولداعان بولاتىن.

مەملەكەت باسشىسى ەستافەتاعا قولداۋ ءبىلدىرىپ، اقىننىڭ «عىلىم تاپپاي ماقتانبا» ولەڭىنەن ءۇزىندى وقىدى. ءارى ەستافەتانى ودان ءارى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان.

الەمگە ايگىلى قازاق ءانشىسى ديماش قۇدايبەرگەن دە مەملەكەت باسشىسى ۇسىنعان ەستافەتانى قۋانىشپەن قابىل الىپ، ۇلى اقىننىڭ «قاقتاعان اق كۇمىستەي كەڭ ماڭدايلى» ولەڭىن وقىدى. ديماش بۇل challenge-ءدى جالعاستىرۋدى اقتوبە وبلىسىنىڭ اكىمى وڭداسىن سەيىلۇلى ورازالينگە، رف-نىڭ حالىق ءارتiسi يگور كرۋتويعا جانە ءوزىنىڭ بارلىق تىڭدارمانىنا تاپسىرعان ەدى. وسىعان وراي رەسەيلىك ونەرپاز دا ۇلى ابايدىڭ ولەڭىن وقىعان بولاتىن.

يگور كرۋتويدان بولەك، الەمنىڭ ءار تۇكپىرىنەن ديماش قۇدايبەرگەننىڭ تىڭدارماندارى اباي ولەڭدەرىن جاتقا وقىپ جارىسقان. وسىلايشا، «اباي ولەڭدەرىن جاتقا وقۋ» ەستافەتاسى رەسپۋبليكالىق دەڭگەيدەن اسىپ، حالىقارالىق دەڭگەيگە دەيىن جەتتى.

Abai.kz