تيل جەكسەنبى كۇنى ۆاشينگتوندا كونسەرۆاتورلار كونفەرەنتسياسىندا ءسوز سويلەدى. ول — Facebook ديرەكتورلار كەڭەسىنىڭ مۇشەسى جانە PayPal ونلاين تولەم جۇيەسىنىڭ نەگىزىن قالاۋشىلاردىڭ ءبىرى.

“ارنايى قىزمەت Google باسشىلىعىنا ءۇش سۇراق قويۋى كەرەك. ءبىرىنشى: كومپانيانىڭ جاساندى ينتەللەكتپەن اينالىساتىن نيۋ-يوركتەگى فيليالىنا قانشا شەتەل تىڭشىسى ەنگەن؟ ەكىنشى سۇراق: Google توپ-مەنەدجمەنتى كومپانيانى قىتاي اگەنتتەرى جايلاعانىن مويىنداي ما؟ ءۇشىنشىسى: Google كومپانياسى امەريكالىق اسكەرمەن ارىپتەستىكتەن باس تارتىپ، قىتاي بارلاۋىنا تاۋەلدىلىككە ۇشىراعاندىقتان دا قىتاي اسكەرىمەن ساتقىندىق كەلىسىمگە كەلىسكەن بە؟“ - دەدى ميللياردەر.

Google CNBC تەلەارناسىنىڭ پيتەر تيل مالىمدەمەسىنە قاتىستى ساۋالدارىنا جاۋاپ بەرمەدى.

وتكەن جىلى باسپاسوزدە قىتاي نارىعىنان كەتكەن Google كومپانياسى وعان قايتا ورالىپ، قحر جارامسىز دەپ تانىعان ىزدەۋ جۇيەسىنىڭ وزگەرتىلگەن ءتۇرىن ۇسىنعىسى كەلەتىنى تۋرالى مالىمەت جاريالانعان. Dragonfly ء(“داۋىت“) دەپ اتالاتىن بۇل جوبا قوعامنىڭ عانا ەمەس، كومپانيانىڭ كوپتەگەن قىزمەتكەرىنىڭ سىنىنا ۇشىرادى. كەيبىر مالىمەتتەر بويىنشا، جوبا توقتاتىلعان.

جاقىندا Google جاساندى ينتەللەكت باعدارلاماسىن دايىنداۋ بويىنشا پەنتاگونمەن كەلىسىمىن سوزبايتىندىعى ءمالىم بولدى.

اقش پەن قىتاي سوڭعى ۋاقىتتا قىتايدىڭ Huawei كورپوراتسياسىنىڭ ارەكەتىنە قاتىستى داۋالىپ كەلەدى. قۇراما شتاتتار امەريكالىق كومپانياعا ونىمەن جۇمىس ىستەۋگە تىيىم سالدى. دەگەنمەن، جاقىندا بۇل تىيىمنىڭ جۇمسارعانى ءمالىم بولدى.

Abai.kz