ارىس قالاسىنىڭ بالالارى 12 شىلدە مەن 3 تامىز ارالىعىندا دەمالۋ ءۇشىن الماتىعا كەلگەن بولاتىن.

ولار قالا ماڭىندا ورنالاسقان «ورنەك» جازعى ساۋىقتىرۋ لاگەرىندە دەمالاتىن بولادى. توتەنشە جاعدايلاردان زارداپ شەككەن 150 بالا ساۋىقتىرۋ شارالارىنان وتۋگە جانە ۋاقىتىن جاقسى وتكىزۋگە مۇمكىندىك الىپ وتىر.

جاس قوناقتاردىڭ العاشقى توبىن الماتىلىقتار پەرروندا قارسى الدى. پارلامەنت سەناتىنىڭ دەپۋتاتى دينار نوكەتاەۆا دا جاس مەيمانداردى قارسى الۋشىلاردىڭ اراسىندا بولدى. سەناتور جەتكىنشەكتەرمەن اڭگىمەلەسىپ، ولاردىڭ بارىنە دەمالىستارىنىڭ جاقسى وتۋىنە تىلەكتەستىگىن ءبىلدىردى.

- بۇگىنگى كۇنى ارىستىق بالالارعا بارلىق جاعداي جاسالعان. بالالارعا ارنالعان تاماقتانۋ جانە دەمالىس شارالارى تولىق قاراستىرىلدى. ءار كۇنگە ءار ءتۇرلى ويىن-ساۋىق جوسپارلانعان. بالالار دەنساۋلىقتارىن تۇزەيدى، ولارعا مەديتسينالىق جانە پسيحولوگيالىق كومەك كورسەتىلەدى. سوندىقتان، ولار جاقسى دەمالادى دەپ ويلايمىن، - دەدى دينار نوكەتاەۆا.

Abai.kz