دەگەنمەن گونكونگ پرەمەرى نارازى توپتىڭ زاڭ جوباسىن تەز ارادا قايتارىپ الۋ تۋرالى باستى تالابىن ورىندامادى.

قالادا نارازىلىق اكتسيالارىنىڭ ءجۇرىپ جاتقانىنا ءبىر اي بولدى. ولار اۆتونوميا بيلىگىنىڭ زاڭ بۇزعاندار مەن قىلمىسكەرلەردى قحر بيلىگىنە بەرۋگە رۇقسات ەتۋ نيەتىنە قارسى شىقتى. زاڭ جوباسىن سىناۋشىلاردىڭ پىكىرىنشە، قۇجات ديسسيدەنتتەر مەن ادىلەتسىز قۋدالانعان ادامداردى قىتايعا ۇستاپ بەرۋ ءۇشىن پايدالانۋى مۇمكىن دەپ قاۋىپتەنەدى.

15 ماۋسىمدا گونكونگ ۇكىمەتىنىڭ باسشىسى قۇجاتپەن جۇمىس بەلگىسىز ۋاقىتقا توقتاتىلعانىن، بىراق تولىقتاي دوعارىلماعانىن جاريالاعان. بۇل مالىمدەمە حالىق نارازىلىعىن ودان سايىن قوزدىرا ءتۇستى. نارازىلىققا شىققاندار ۇكىمەت باسشىسىنىڭ قىزمەتتەن كەتۋىن تالاپ ەتتى. سول كەزدە، كەيبىر مالىمەتتەرگە قاراعاندا، نارازىلىق اكتسياسىنا شامامەن ەكى ميلليون ادام قاتىسقان. 1 ماۋسىمدا شەرۋگە شىققاندار ايماق پارلامەنتىنىڭ عيماراتىن بىرنەشە ساعاتقا باسىپ العان.

قىتاي 1997 جىلى گونكونگتى ۇلىبريتانيادان العان ۋاقىتتا، مۇندا كەم دەگەندە 50 جىل بويى ادام قۇقىقتارىنىڭ نەگىزىن ساقتاۋعا ۋادە بەرگەن.

Abai.kz