6 شىلدە مەرەكە كۇنى نۇر-سۇلتان جانە الماتى قالالارىندا زاڭسىز ميتينگىلەر ۇيىمداستىرۋ ارەكەتتەرى تىركەلدى.

اكىمدىكتىڭ، پروكۋراتۋرانىڭ بىرنەشە رەت ەسكەرتكەنىنە قاراماستان، بىرقاتار ازاماتتار تىيىم سالىنعان ەكسترەميستىك ۇيىمنىڭ اراڭداتۋشىلىقتارىنا ەردى.

ولاردىڭ بىرقاتارى قۇقىق قورعاۋشى قىزمەتكەرلەرگە قاتىستى زاڭعا قايشى ارەكەتتەرگە باردى. باسقا ازاماتتاردىڭ تىنىشتىعى مەن قاۋىپسىزدىگىنە قاتەر ءتوندىردى.

وسىعان بايلانىستى، ىشكى ىستەر ورگاندارى قوعامدىق ءتارتىپتى بۇزۋشىلىقتىڭ جولىن كەسۋ بويىنشا زاڭدا قارالعان شارالار قابىلدادى.

ۇيىمداستىرۋشىلار مەن بەلسەندى قاتىسۋشىلار پوليتسيا بولىمدەرىنە جەتكىزىلدى. كەيبىرەۋىنەن تۇتىندەگىش قۇتى جانە تراۆماتيكالىق قارۋ الىندى.

ءتارتىپ بۇزۋشىلاردى ۇستاۋ بارىنشا ساۋاتتى جۇرگىزىلدى، ارنايى قۇرالدار قولدانىلعان جوق.

قازاقستان رەسپۋبليكاسى ءىىم ءباسپاسوز قىزمەتى

Abai.kz