جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 2034
46 - ءسوز 1343 0 پىكىر 4 شىلدە, 2019 ساعات 12:59

بەكزات ساتتارحانوۆ تۋرالى فيلم قازان ايىندا ەل نازارىنا ۇسىنىلادى

كەشە «بەكزات» ءفيلمىنىڭ جابىق كورسەتىلىمىن وتكىزدىك.
بۇل - جيىرما-اق جىل ءومىر ءسۇرىپ، قازاقتىڭ ابىرويىن، قازاق بوكسىنىڭ مارتەبەسىن اسقاقتاتقان داڭقتى بوكشىمىزعا ارنالعان تۋىندى.

پورترەتتىك ءفيلمدى كورەرمەن كوپ كۇتتى. ءبىز ونى بىلەمىز. الايدا وسى تاقىرىپقا اسىعىس، دايىندىقسىز كەلۋ دۇرىس بولمايتىن ەدى. بۇل بەكزاتتىڭ رۋحى الدىنداعى، حالىق الدىنداعى ۇلكەن جاۋاپكەرشىلىك بولاتىن.
اقپارات جانە قوعامدىق دامۋ مينيسترلىگى قولدادى، «حابار» اگەنتتىگى جاۋاپتى جۇمىستى ويداعىداي اتقارىپ شىقتى.

فيلمدە – بەكزاتتىڭ بوكسقا كەلۋى، سيدنەي وليمپياداسىنا دەيىنگى جەڭىستەرى، الدىنان شىققان كەدەرگىلەرى، توقسانىنشى جىلداردىڭ اياعىنداعى ەلدىڭ تۇرمىسى بەينەلەنگەن.

كورسەتىلىمگە بوكشىنىڭ اتا-اناسى تۇركىستاننان ارنايى كەلدى. كەشە بەكزاتتىڭ اناسى – سىرلىكۇل اپامىزدىڭ تۋعان كۇنى ەكەن. ول كىسى پرەمەرانىڭ ءدال كەشە بولعانىن جاقسىلىققا جورىدى.

فيلم وسى جىلدىڭ قازان ايىندا ەل تۇرعىندارىنىڭ نازارىنا ۇسىنىلادى. ال التى سەريادان تۇراتىن تولىق نۇسقاسى جەلتوقسان ايىندا «حابار» اگەنتتىگىنىڭ ەفيرىنەن كورسەتىلەدى.

ۇلت ماقتانىشى - بەكزات ساتتارحانوۆتىڭ ەسىمى، بەينەسى ەلدىڭ جۇرەگىندە ماڭگى ساقتالادى.

داۋرەن اباەۆتىڭ facebook پاراقشاسىنان

Abai.kz

0 پىكىر