الماتى قالاسىنىڭ جاڭا اكىمى باقىتجان ساعىنتاەۆ وڭتۇستىك استانا تۇرعىندارىنا ۇندەۋ جولدادى.

جاڭا قىزمەتىنە كىرىسكەن شەنەۋنىك قالا تۇرعىندارىنىڭ الدىنداعى اسقان جاۋاپكەرشىلىگىن سەزىنەتىنىن جەتكىزدى. ءارى وسى جاۋاپكەرشىلىكتىڭ ۇددەسىنەن شىعۋ ءۇشىن قالا تۇرعىندارىمەن اقىلداسا وتىرىپ، بىرگە جۇمىس ىستەگىسى كەلەتىنىن ايتتى. سول ءۇشىن ارنايى Facebook, Twitter, Instagram جەلىلەرىنە تىركەلگەنىن جەتكىزدى.

"قۇرمەتتى الماتىلىقتىر! الماتى قالاسىنىڭ مىندەتىنە كىرىسە وتىرىپ، مەن سىزدەردىڭ، قالا تۇرعىندارى الدىنداعى زور جاۋاپكەرشىلىگىمدى تولىق سەزىنەمىن.

الماتى ارقايسىمىزدىڭ جۇرەگىمىزدەن ەرەكشە ورىن العان قالا. الماتىعا دەگەن ءار قازاقستاندىقتىڭ ىقىلاسى ەرەكشە. بۇل قالا مەنىڭ جاستىعىمنىڭ، كاسىبي كەمەلدەنۋىمنىڭ كۋاسى.

مەنىڭ باستى ماقساتىم - الماتىنىڭ ءار تۇرعىنى بەرەكەلى ءومىر سۇرەتىن قاۋىپسىز دە قولايلى، زامانعا ساي مەگاپوليسكە اينالدىرۋ. ءبىز وعان تەك بىرگە تىزە قوسىپ، ەڭبەك ەتۋ ارقىلى قول جەتكىزە الامىز. سوندىقتان سىزدەردىڭ تالاپ-تىلەكتەرىڭىزدى ءبىلىپ، ۋاقىتىلى جاۋاپ بەرۋ مەن ءۇشىن وتە ماڭىزدى.

قالانىڭ پروبلەمالارى مەن دامۋ ستراتەگيالارىن سىزدەرمەن بىرگە اشىق تالقىلاعىم كەلەدى. سىزدەرمەن تىكەلەي بايلانىس ورناتۋ ءۇشىن Facebook, Twitter, Instagram جەلىلەرىندە تىركەلدىم. بارلىعىمىزدىڭ تاعدىرىمىزبەن بايلانىستى ماڭىزدى شەشىمدەردى ازىرلەپ قابىلداۋ كەزىندە سىزدەردىڭ قولداۋلارىڭىز مەن ءۇشىن ماڭىزدى. اقىلداسا وتىرىپ، بىرگە جۇمىس ىستەيىك" ، - دەدى ساعىنتاەۆ.

Abai.kz