سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
1438 0 پىكىر 26 ماۋسىم, 2019 ساعات 10:27

ن.نىعماتۋلين: ارىس، ءبىز بىرگەمىز!

ءماجىلىس توراعاسى نۇرلان نىعماتۋلين وق-ءدارى بازاسىندا بولعان جارىلىستار ناتيجەسىندە زارداپ شەككەن ارىس تۇرعىندارىنا كومەك كورسەتۋ ءۇشىن جينالعان بارلىق قازاقستاندىقتاردىڭ بىرلىگىن اتاپ ءوتتى.

بۇگىن پالاتانىڭ جالپى وتىرىسىن اشقان ءماجىلىس توراعاسى بارلىق دەپۋتاتتىق كورپۋستىڭ اتىنان زارداپ شەككەندەردىڭ وتباسىلارىنا كوڭىل ايتىپ، توتەنشە جاعداي كەزىندە زارداپ شەككەندەرگە قولداۋ ءبىلدىردى.

بارشاڭىزعا بەلگىلى، وسى كۇندەرى بۇكىل قازاقستاندىقتار، ءبىر ەل بولىپ، ءبىر حالىق بولىپ، ارىس قالاسى تۇرعىندارىنا قولدان كەلگەن كومەكتى  كورسەتۋدە. سونىڭ ىشىندە،  ءماجىلىس دەپۋتاتتارى دا ءبىرىنشى كۇننەن باستاپ وسى وقيعادان تىس قالعان جوق. دەپۋتاتتار وزدەرىنىڭ ءبىر كۇندىك جالاقىسىن ارنايى كومەك كورسەتۋ قورىنا اۋداردى، – دەدى پالاتا سپيكەرى.

سونداي-اق، ءماجىلىس توراعاسى كەشەدەن باستاپ ءبىر توپ دەپۋتاتتاردىڭ حالىقپەن كەزدەسۋى ءۇشىن ارىس قالاسىنا جول ءجۇرىپ  كەتكەنىن ايتتى.

- بارشامىزدىڭ نيەتىمىز وسى ارىس قالاسىنىڭ تەزىرەك قالپىنا كەلىپ،  تۇرعىندار جاعدايىنىڭ تەزىرەك جاقسارۋى ءبىزدىڭ ەندىگى تىلەگىمىز، - دەدى ن. نىعماتۋلين.

ء(ماجىلىستىڭ ءباسپاسوز قىزمەتى. سۋرەتتى تۇسىرگەن ج. قۇسپانوۆ)

Abai.kz

0 پىكىر