بۇگىنگى تاڭدا وڭىردە 51385 شاعىن جانە ورتا بيزنەس سۋبەكتىسى تىركەلگەن. ونىڭ ىشىندە 44083 نەمەسە 85,7 پايىزى جۇمىس ىستەپ تۇر. جىل باسىنان بەرى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 1741 بىرلىككە ارتتى.

قىزىلوردا وبلىسى اكىمدىگىندە وڭىردەگى  جاپپاي كاسىپكەرلىكتى دامىتۋ قورىتىندىسى بويىنشا ءماجىلىس ءوتتى. قىزىلوردا قالاسى مەن اۋدان اكىمدەرى اتقارىلعان جۇمىستار تۋرالى باياندادى.

ماسەلەن، قارماقشى اۋدانىندا "بيزنەستىڭ جول كارتاسى-2020" باعدارلاماسى اياسىندا 12 جوبانى ىسكە اسىرۋ ءۇشىن نەسيە بەرىلىپ، تاعى 6 جوبا ەكىنشى دەڭگەيلى بانكتەردىڭ قاراۋىندا، ال 5 جوبا سۇيەمەلدەۋگە الىنعان. ال شيەلى اۋدانىندا "قاراپايىم زاتتار ەكونوميكاسى" باعدارلاماسىن جۇزەگە اسىرۋ اياسىندا 26 جوبا ۇسىنىلىپ وتىر. سونىمەن قاتار، اعىمداعى جىلى يننوۆاتسيالىق بيزنەس-يدەيالاردى ىسكە اسىرۋعا 200 جاس كاسىپكەر، 200 كوپبالالى وتباسى جانە 100 جۇمىسسىزعا مەملەكەتتىك گرانتتار ءبولۋ جوسپارلانۋدا.

ايماق باسشىسى ء"بىزدىڭ باستى ماقساتىمىز – جالپى وڭىرلىك ونىمدەگى شاعىن جانە ورتا بيزنەستىڭ ۇلەسىن 14,4 پايىزدان 2020 جىلعا قاراي 20 پايىزعا دەيىن ۇلعايتۋ بولىپ تابىلاتىنىن، سول ءۇشىن شاعىن جانە ورتا بيزنەس سالاسىنا ينۆەستيتسيا تارتىپ، جاڭا كاسىپورىندار اشىپ، ەكسپورتتىڭ ۇلەسىن ارتتىرۋ قاجەتتىگىن"  اتاپ ءوتتى.

«وتكەن جىلدىڭ سايكەس كەزەڭىمەن سالىستىرعاندا شاعىن جانە ورتا بيزنەستىڭ ۇلەسى 14,4 پايىزدى قۇرادى. جىل باسىنان بەرى شاعىن جانە ورتا بيزنەس سۋبەكتىلەرىنىڭ سانى 1741 بىرلىككە ارتتى. بۇل رەتتە 93 مىڭنان استام وبلىس تۇرعىنى نەمەسە ءوڭىردىڭ ەكونوميكالىق بەلسەندى جۇمىسپەن قامتىلعان حالقىنىڭ ۇشتەن ءبىرى وسى سالادا جۇمىسقا ورنالاستىرىلدى. جىل قورىتىندىسى بويىنشا شاعىن جانە ورتا بيزنەستە جۇمىسقا ورنالاسقانداردىڭ سانى 95 000 ادامعا دەيىن جەتۋى ءتيىس»، - دەدى ايماق باسشىسى.

ءوڭىر باسشىسى ءاربىر اكىم وزىنە سەنىپ تاپسىرىلعان اۋداندا، قالادا نەمەسە اۋىلدىق ەلدىمەكەندەردە بيزنەس-جوبالاردى ازىرلەۋگە جانە سۇيەمەلدەۋگە جاۋاپتى ەكەنىن ەسكە سالدى.

«جارتى جىلدىقتىڭ قورىتىندىسى بويىنشا اعىمداعى جىلدىڭ تامىز ايىندا وتەتىن كەڭەستە قالا جانە اۋدان اكىمدەرىنىڭ جۇمىس قورىتىندىسى باعالاناتىن بولادى»،-دەپ اتاپ ءوتتى ق.كوشەرباەۆ.

سونداي-اق، ايماق باسشىسى قارجى ۇيىمدارىنا قۇجاتتاردى قابىلداۋ كەزىندە قيىندىقتاردىڭ ورىن الۋىنا جول بەرمەي، وڭىردەگى جاپپاي كاسىپكەرلىكتىڭ دامۋىنا بارىنشا قولداۋ كورسەتۋدى تاپسىردى.

سونىمەن قاتار، بۇگىن جاپپاي كاسىپكەرلىكتى دامىتۋ ماسەلەلەرى بويىنشا سەمينار-كەڭەس ءوتتى. قارجى ۇيىمدارى مەن قازاقستان رەسپۋبليكاسى ۇلتتىق ەكونوميكا مينيسترلىگى وكىلدەرىنىڭ، بارلىق دەڭگەيدەگى اكىمدەردىڭ، وبلىستىڭ ءاربىر اۋىلدىق وكرۋگىنە بەكىتىلگەن باسشى-كۋراتورلاردىڭ قاتىسۋىمەن وتكەن سەمينار-كەڭەستە شاعىن جانە ورتا بيزنەستى ءتيىمدى قولداۋ جانە جاپپاي كاسىپكەرلىكتى دامىتۋ ماسەلەلەرى تالقىلاندى.

ايتا كەتەيىك، 2013 جىلدان باستاپ «بيزنەستىڭ جول كارتاسى 2020» مەملەكەتتىك باعدارلاماسى شەڭبەرىندە ءىسىن جاڭادان باستاعان كاسىپكەرلەرگە 3 ملن. تەڭگەگە دەيىن قايتارىمسىز گرانتتار بەرىلۋدە. وسى كەزگە دەيىن 383 كاسىپكەر قايتارىمسىز 400 ملن. تەڭگە گرانت قاراجاتىن الدى. بيىلعى جىلى وڭدەۋشى ونەركاسىپ سالاسىن دامىتۋ ماقساتىندا ۇكىمەتپەن «قاراپايىم زاتتاردىڭ ەكونوميكاسى» جاڭا باعدارلاماسى ىسكە اسىرىلىپ، 600 ملرد. تەڭگە كولەمىندە قاراجات قاراستىرىلدى. قالا جانە اۋدان اكىمدەرىنە «دامۋ» قورىمەن بىرلەسىپ، جىل سوڭىنا دەيىن باعدارلاما شەڭبەرىندە كەم دەگەندە 14 ملرد. تەڭگەگە: ءار اۋدان 1 ملرد. تەڭگەدەن، قىزىلوردا قالاسى 7 ملرد. تەڭگەگە جوبا قاراستىرۋ تاپسىرىلدى.

سەميناردا قر ۇلتتىق ەكونوميكا مينيسترلىگى كاسىپكەرلىكتى مەملەكەتتىك قولداۋ دەپارتامەنتىنىڭ باسشىسى ابزال ابدىكارىموۆ جانە  قارجى ينستيتۋتتارىنىڭ وكىلدەرى ءسوز سويلەدى. ولار كاسىپكەرلەرگە باعىتتالعان مەملەكەتتىك قولداۋ شارالارى جايلى باياندادى.

ەستەرىڭىزگە سالايىق، 2018-2020 جىلدار ايماقتا جاپپاي كاسىپكەرلىكتى دامىتۋدىڭ ءۇش جىلدىعى رەتىندە جاريالاندى. بۇل بىردەن ءۇش ماڭىزدى ماسەلەنى شەشۋگە مۇمكىندىك بەرەدى: سالىق بازاسىن ۇلعايتۋ، جاڭا جۇمىس ورىندارىن قۇرۋ جانە وڭىردەگى قوعامدىق-ساياسي جاعدايدى جاقسارتۋ.

Abai.kz